Rossiyaning “Sport Ekpress” nashri 30 yildan ortiq vaqt mobaynida futbol bo‘yicha mamlakat chempionatining har bir turida futbolchilar harakatini baholab, ramziy terma jamoa tuzib chiqadi.
29-tur yakunlari bo‘yicha tuzilgan reytingda SSKAdagi hamyurtimiz Abbosbek Fayzullayev ramziy terma jamoadan o‘rin oldi va umumiy reytingda bir pog‘ona ko‘tarildi.
Fayzullayev mazkur turda ramziy terma jamoaga eng ko‘p – yetti marotaba kiritilgan futbolchiga aylandi. SSKA ushbu turda “Nijniy Novgorod” maydonidan 6:2 hisobidagi g‘alaba bilan qaytgan edi. 20 yoshli legionerimizning bu bahsdagi harakatlari ekspertlar tomonidan 7,5 ballga loyiq ko‘rildi.
Ramziy terma jamoa quyidagicha ko‘rinish oldi:
Shuningdek, umumiy reytingda jiddiy o‘zgarishlar bo‘ldi. Bu turda beshta gol urgan “Zenit” hujumchisi Mateo Kesserraning o‘yini juda yuqori – 9,5 ballga loyiq ko‘rildi. Buning samarasida legioner futbolchi reytingda beshinchi o‘rindan birinchi pog‘onaga ko‘tarildi.
Umumiy reytingda kuchli o‘nlikka kirgan futbolchilar bilan tanishing:
1. Mateo Kasserra (“Zenit”) — 6,39 ( chempionat davomidagi o‘rtacha ball)
Kolumbiyalik forvard besh o‘yindan iborat golsiz seriyasiga beshta gol bilan yakun yasadi.
2. Maksim Glushenkov (“Lokomotiv”) — 6,36
“Fakel”ga qarshi bahsda eng ko‘p xavfli vaziyat yaratib berdi.
3. Konstantin Tyukavin (“Dinamo”) — 6,33
“Krilya Sovetov” bilan bahsda himoyachilar e’tiborini o‘ziga tortib turdi.
4. Eduard Spersyan (“Krasnodar”) — 6,32
“Sochi” darvozasiga eng ko‘p zarba bergan, jamoadoshlariga eng ko‘p o‘tkir pas uzatgan futbolchi bo‘ldi.
5. Vendel (“Zenit”) — 6,27
Kasserraning beshta golidan ikkitasiga aynan Vendel assistentlik qildi.
6. Jon Kordoba (“Krasnodar”) — 6,27
“Sochi” bilan bahsda golli pasi bilan g‘alabaga hissa qo‘shdi va jamoasini chempionlik kurashida olib qoldi.
7. Abbosbek Fayzullayev (SSKA) — 6,25
“Nijniy Novgorod”ga qarshi gollar shousida ikkita assistni amalga oshirdi va maydonda eng faollardan biri bo‘ldi.
8. Duglas Santos (“Zenit”) — 6,21
Grozniydagi bahsda o‘ng qanot himoyachisi vazifasini bajardi va jarohat oldi.
9. Klaudino (“Zenit”) — 6,19
Faol o‘ynadi va bitta assist qayd etdi.
10. Bitello («Dinamo») — 6,16
“Krilya Sovetov” darvozasini ishg‘ol qildi.
Rossiya Premer-ligasining so‘nggi — 30-tur uchrashuvlari 25 may kuni bir paytda — Toshkent vaqti bilan 18:30 da boshlanadi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Pokistonda olomon Qur’onni tahqirlagan sayyohni yoqib yubordi
Uzoq umr ko‘rish uchun yordam beradigan 5 ta foydali odat
Isroil rasmiysi: “HAMASni yengib bo‘lmaydi”
Armaniston Falastin davlatini rasman tan oldi
G‘arb Ukrainadagi mojaro qay tarzda yakunlanishini ochiqladi
Isroil ommaviy dafn marosimlariga tayyorgarlik ko‘rmoqda
KXDR va Rossiya o‘rtasidagi yangi kelishuvda aynan nima deyilgan?
Keniyada yangi soliq tizimi joriy qilinishi ortidan namoyishlar uyushtirildi
