Oʻzbekistonliklar samolyotni sudrash tezligi boʻyicha Ginness rekordini oʻrnatdi

^{Foto: Uzbekistan Airports}
Oʻzbekiston Bodibilding va fitnes federatsiyasi jamoasi samolyotni 100 metrdan ortiq masofaga sudrash tezligi boʻyicha Ginness rekordini oʻrnatdi. Bu haqda Guinness World Records e'lon qildi.

Qayd qilinishicha, sportchilar jamoasi ogʻirligi 13,5 tonna boʻlgan ATR-72 rusumidagi samolyotni 100 metr masofaga 46,7 soniyada tortib borgan. Rekord 2024 yil 15 may kuni Toshkent xalqaro aeroportida oʻrnatilgan.

Tadbirda Ginness rekordlar kitobi komissari Mbali Masechaba Nkosi ishtirok etgan.

Ta'kidlanishicha, rekord birinchi urinishdayoq oʻrnatilgan. Ginness rekordlar kitobi talabi 60 soniya boʻlgan, biroq, sportchilar ancha yaxshi natijani koʻrsatishgan.
“Zamin”ni Telegramʻda oʻqing!