O‘zbekistonlik futbol ishqibozlarining aksariyatini terma jamoamiz sardori va eng zo‘r to‘purari Eldor Shomurodov kelasi mavsumni qaysi jamoada boshlashi qiziqtirmoqda.
“Kalyari” bir yil muqaddam legionerimizni keyinchalik sotib olish huquqi bilan “Roma”dan bir mavsumga ijaraga olgandi. To‘liq transfer qilish uchun sardiniyaliklar poytaxt klubiga yana 9 million yevro to‘lashi belgilangan.
“Kalyari” rahbariyati o‘tgan yilgi kelishuv bo‘yicha Shomurodovni to‘liq transfer qilish huquqidan foydalanmasligini ma’lum qildi.
Biroq bu qaror Sardiniya klubi Eldor Shomurodovdan to‘liq voz kechganini anglatmaydi. Klub sport direktori Nereo Bonato jamoa kelajagi bo‘yicha o‘tkazilgan matbuot anjumanida bu vaziyatga oydinlik kiritib o‘tdi.
Bonatoning fikrlariga tayangan italiyalik ekspertlar vaziyatni quyidagicha sharhladi.
Emanuele Olla, cagliarinews24.com sayti eksperti:
- “Kalyari” rahbariyati “Inter”dan Gaetano Oristanio va “Roma”dan Eldor Shomurodov transferini sotib olish huquqidan foydalanmaydi. Chunki har bir o‘yinchi uchun klub 10 million yevrodan ortiqroq xarajat qilishiga to‘g‘ri keladi.
Sardiniya klubi yozgi transferlar davomida “Roma” va “Inter” bilan yangidan kelishuvga erishishga harakat qiladi. “Kalyari” Shomurodov va Oristanioni ortga qaytarish uchun yangidan muzokara o‘tkazishga tayyorgarlik ko‘rmoqda.
Ignatsio Kaddeo, calciocasteddu.it sayti eksperti:
- Bonato “Shomurodov o‘z o‘rnini topishda qiyinchilikka duch keldi, agar shartlar o‘zgartirilsa, u uchun eshiklarimiz hali ochiq”, dedi.
Sport direktorining bu so‘zlari nimani anglatadi?
Agar “Roma” mutasaddilari Shomurodov transferi bo‘yicha o‘z talablarini pasaytiradigan bo‘lsa, hujumchi Sardiniyada qoladi. Bir mavsum ijarada to‘p tepgan futbolchi uchun rimliklar yana 9 million yevro talab qilyapti. “Kalyari”ga bu qimmatlik qilyapti va ular narxni pasaytirishga urinmoqda. Hali avgustning oxirigacha vaqt bor.
Nereo Bonato, “Kalyari” sport direktori:
- Kelasi mavsumda “Kalyari”ning oldingi chizig‘iga markaziy hujumchi xarakteridagi forvard, shuningdek, ikkinchi hujumchi va qanot hujumchisi sifatida o‘ynay oladigan futbolchi kerak. Ayni paytda o‘zimiz o‘rganib chiqqan nomzodlarni olish borasida bosh qotiryapmiz.
O‘tgan mavsum Eldor Shomurodovda boshida jamoaga moslashish borasida biroz muammolar yuzaga keldi, keyin og‘ir jarohatga yo‘liqdi. Lekin mavsumning oxirida Eldor eng zo‘r o‘yinchilardan biri bo‘la oldi. Uni olib qolish uchun katta xarajat talab qilinyapti. Ko‘ramiz, balki talabni pasaytirish imkoni topilib qolar.
Demak, yuqoridagi fikrlardan kelib chiqib, “Kalyari”da hamon Eldor Shomurodovni olib qolish istagi va rejasi bor. Bu borada “Roma” bilan yangi muzokaralar o‘tkazilishi kutilmoqda.
O‘tgan mavsumda 28 yoshli hujumchi A Seriyada 22 marotaba maydonga tushib, uchtadan gol va assist muallifi bo‘ldi. Hamyurtimizning transfer summasi 5 million yevroni tashkil qilmoqda. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Zelenskiy Putin borasida bayonot berdi: “Tinchlikni istaganlar yuziga tupurmoqda”
Italiya sudi Quddus Isroil poytaxti emasligi haqida qaror chiqardi
2026 yilda bo‘lajak mundialning favoritlari reytingi taqdim etildi
Putin Ukrainadagi obyektga ballistik raketa zarbasi berilganini e’lon qildi
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
O‘mon sultonligi elchisi: «Urushlarni harbiy kuch bilan hal qilib bo‘lmaydi»
