Dominikan Respublikasi Olimpiya jamoasi bosh murabbiyi Ibai Gomes O‘zbekistonga qarshi o‘yin oldidan mamlakat futbol federatsiyasi tomonidan tashkil etilgan videokonferensiyada ishtirok etdi.
Murabbiy o‘z jamoasining Olimpiada turnirining chorak finaliga yo‘l olishiga ishonishini aytdi.
“Jamoa bundan 15 kun avval Fransiyaga qarshi o‘yinga qaraganda o‘z dinamikasi va mentalitetini o‘zgartirdi. Bizda imkoniyat bor va bundan foydalanishimiz kerak.
Ispaniyaga qarshi puxta tayyorgarlik ko‘rgandik, ammo qizil kartochka o‘yinni o‘zgartirdi. Raqibga golli vaziyatlar yaratishga deyarli imkon bermadik. Shogirdlarim aytilgan vazifalarni bajardi. O‘sha o‘yinda ko‘p kuch sarfladik, yigitlarda bir oz charchoq bo‘lishiga qaramay, ular bo‘lajak to‘qnashuvga tayyor. Afsuski, Bordo shahridan Parijga yo‘l olishimiz yakshanba kuni mashg‘ulot o‘tkazish imkoniyatidan mahrum qildi”.
Bosh murabbiy O‘zbekiston bilan o‘yinda tavakkalga qo‘l urib bo‘lsa-da, g‘olib bo‘lishni xohlayotganini aytdi.
“Bizda tarix yaratish imkoniyati mavjud. Ruhan va jismonan tiklanishga harakat qilamiz. Biz faqat va faqat g‘alaba qozonishimiz kerak, shu bois himoyada ham, hujumda ham tavakkalga qo‘l uramiz. Maydonda aniqlikka urg‘u berib, faol pressingga o‘tamiz.
Ispaniya Misrni mag‘lub eta oladi deb o‘ylayman, biroq, avvalo, biz o‘z vazifamizni bajarishimiz kerak. Bor e’tiborimizni O‘zbekistonga qarshi o‘yinga qaratamiz.
Biz bo‘lajak o‘yin uchun o‘zgarishlar qildik, bunga ertaga guvohi bo‘lasiz. O‘ylaymanki, futbolchilar nimaga qodirligini maydonda ko‘rsatadi. G‘alaba qozonib keyingi bosqichga yo‘l olishimizga ishonaman”, dedi ispaniyalik mutaxassis.
Ma’lumot uchun, O‘zbekiston — Dominikan Respublikasi uchrashuvi bugun, 30 iyul kuni Toshkent vaqti bilan soat 18:00 da boshlanadi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
2026 yilda bo‘lajak mundialning favoritlari reytingi taqdim etildi
Xalqaro jinoyat sudining orderi Isroilni nega qo‘rqityapti?
22 noyabr kuni Cobalt avtomobiliga shartnoma ochilishi e’lon qilindi
Italiya sudi Quddus Isroil poytaxti emasligi haqida qaror chiqardi
Superliga. OKMK safarda "Paxtakor"ni mag‘lub etdi va 11 yillik qora an’anaga chek qo‘ydi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
