Parij-2024 Olimpiadasida Markaziy Osiyo mamlakatlarining har bir chiqishida qardosh millat vakillarining o‘zaro qo‘llab-quvvatlashi, bir-birining g‘alabasidan quvongani aks etgan videolar ijtimoiy tarmoqlarda keng tarqaldi.
Xususan, Bahodir Jalolovning ispaniyalik bokschiga qarshi shanba oqshomidagi final jangida Parijdagi zalda nafaqat o‘zbekistonlik muxlislar, balki qo‘shni mamlakatlar – Qirg‘iziston, Qozog‘iston, Tojikiston va Turkmanistondan kelgan muxlislar ham ikki karra Olimpiada chempioniga aylangan O‘zbekiston vakiliga muxlislik qilishdi. Bu qo‘shni mamlakatlarni yanada birlashtirmoqda.
Buni Prezident matbuot kotibi Sherzod Asadov ham qayd etib o‘tdi.
«Parij Olimpiadasida boks bo‘yicha musobaqalar finalida g‘alaba qozonib, oltin medalni qo‘lga kiritgan Bahodir Jalolovga muxlislik qilgan hamyurtlarimiz Vatanimiz bayrog‘i bilan birgalikda qo‘shnilarimiz, qardoshlarimiz Qozog‘iston, Qirg‘iziston, Tojikiston va Turkmaniston bayroqlarini ham ko‘tarib turdilar.
Mintaqamizdagi har bir mamlakatning yutug‘i - butun Markaziy Osiyoning yutug‘i. Sport birlashtiradi. Kuch - birlikda! Olg‘a, O‘zbekiston! Olg‘a, Markaziy Osiyo!», - deya yozadi Prezident matbuot kotibi Sherzod Asadov.
O‘zbekiston Respublikasi Prezidenti Administratsiyasi Axborot siyosati departamentining rahbari Komil Allamjonov ham Parijdagi turnirlarda bir-birini o‘zaro qo‘llab-quvvatlagan qo‘shni mamlakat muxlislarining birordarligini olqishlagan.
«Do‘sti ko‘p qaddi bukilmas deydilar qon kechsa ham,
Kechmagay mard do‘stidan molu jondin kechsa ham,
Qayda tursang tur vale, do‘st bo‘sang yonimda tur,
O‘ngda tur yo so‘lda tur, sen meni yonimda tur.
O‘zbekiston, Qozog‘iston, Qirg‘iziston, Tojikiston, Turkmaniston bayroqlarini yonma yon turishini qarang. Haqiqiy do‘stlik mana shunaqa bo‘ladi», - deya yozadi u telegramdagi kanalida.
Avvalroq, Abdumalik Xalokovga qarshi finalgacha yetib kelib, kumush medaliga ega chiqqan qirg‘iz bokschisi Munarbek Seitbek Uluuga o‘zbekistonlik murabbiy Akmal Hasanov qiyin pallada sekundantlik qilayotgani, uning Parijga kela olmagan murabbiyi o‘rnini bilintirmaslik uchun yordam berayotgani Qirg‘izistonda e’tiroflarga sabab bo‘lgandi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Medvedev: Maxsus harbiy operatsiya uchun qurollarning aksariyati Rossiyada ishlab chiqariladi
AQSHda 10 yoshli bola politsiyaga qo‘ng‘iroq qilib, matematikadan uy vazifasini bajarishda yordam so‘radi
Rossiya Davlat dumasiga rus tilini bilmaydigan migrant bolalarni maktablarga kiritishni taqiqlash loyihasi kiritildi
Migren, klaster sefalgiya, zo‘riqish... Bosh og‘rig‘ining necha turi mavjud?
Sayxunobodda qarzdor otadan salkam 75 mln so‘m aliment pullari undirildi
Xonanda Munisa Rizayeva ilk marta ona bo‘ldi
Kipr hukumati rossiyalik va ukrainalik milliarderlarning «oltin» pasportlarini olib qo‘ydi
Eron oliy rahnamosi Netanyaxuni qatl qilishga chaqirdi
