Superliganing 16-turidan o‘rin olgan "Dinamo" - OKMK (3:2) uchrashuvidan so‘ng mehmonlar bosh murabbiyi Mirjalol Qosimov matbuot anjumanida ishtirok etdi.
O‘yin haqida
- Albatta, bugungi o‘yinda muxlislar yutdi. Vaziyatlarga, kurashlarga boy o‘yin guvohiga aylandik. Hisob tenglashganidan so‘ng o‘ylab turgandim, bitta gol urgan jamoa yutib ketardi. Oxirgi 20 daqiqalikda "Dinamo"da ham, bizda ham yarim himoya deyarli ishlamadi. Maqsad har ikki jamoada ham hujumga qaratildi. Kojoning golida chap qanot himoyachimiz qo‘pol xatoga yo‘l qo‘ydi. Mezbonlarni bugungi g‘alaba bilan tabriklayman.
- Bir daqiqada o‘yin kartinasini chizib berdingiz. Bugungi o‘yin haqida hozir hamma gapirayapti.
- Ha, aytib o‘tdim-u, bugungi futboldan muxlislar yutdi.
- OKMK daraja bo‘yicha "Dinamo"dan ustun ekani baribir ko‘rindi. Oxirgi daqiqalarda har ikki jamoaning ham g‘alaba uchun harakati ortidan talato‘plar yuzaga keldi. Shuning natijasida jamoangiz mag‘lub bo‘ldimi?
- Oxirgi 20 daqiqalikda har ikki jamoaning ham yarim himoya chizig‘i ishlamay qoldi. Zairadan qo‘shilgan futbolchilarimiz o‘yinimizni kuchaytirib berishlari kerak edi. Lekin ko‘ngildagidek harakat qila olishmadi.
- Jamoangiz atrofida joriy mavsum chempionligi haqida gap-so‘zlar ko‘payib qoldi...
- Men ishlagan har bir jamoamda mablag‘ bormi, yo‘qmi, bor imkoniyatdan foydalanib, yuqori natijalar uchun harakat qilganman. O‘tgan o‘yindan keyin ham shu haqida aytdim. Mehnat qilish kerak. Bugun OCHL ligalariga qur’a tashlandi. Maqsadni shunga qaratish kerak. Bu turnirlarda o‘ynash uchun yo chempion bo‘lish kerak yoki kubokni yutish lozim. Shunga qarab intilish kerak.
- Jamoaga siz uchun kelgan eronlik futbolchi "Navbahor"ga o‘tib ketdi...
- Yo‘q, men uchun kelmagan. Tushunib turibman, Siyavash Haqnazari haqida aytayapsiz. U klubsiz yurganda jamoaga taklif etdik. Yo‘qotilgan yarim yili uchun ham jiddiy harakat qildi, o‘z ustida ishladi. Masalan, men uning o‘rniga yugurib berganim yo‘q. Bizdan yaxshiroq sharoit taklif qilishsa, ketishiga biz qarshi emasmiz. Har doim aytganman, futbolchilar jamoaga men uchun kelishmaydi. Har bir futbolchi o‘zi uchun o‘ynaydi, jamoa manfaatiga xizmat qiladi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
Turkiya o‘zining birinchi kvant kompyuterini taqdim etdi
Josep Borrel: “Xalqaro jinoyat sudining Netanyaxuni hibsga olish bo‘yicha qarori ijro etilishi shart”
Metabolizm sekinlashganining belgilari
Husiylar Isroil aviabazasiga gipertovushli raketa bilan zarba berdi
Superliga. OKMK safarda "Paxtakor"ni mag‘lub etdi va 11 yillik qora an’anaga chek qo‘ydi
Har payshanba jismoniy tarbiya va sport kuni sifatida belgilanadi
