Superliganing qoldirilgan 14-turidan o‘rin olgan "Neftchi" - "So‘g‘diyona" (0:3) uchrashuvidan so‘ng mezbonlar yordamchi murabbiyi Sergey Arslanov matbuot anjumanida ishtirok etdi.
Matbuot kotibi izohi: Jamoa bosh murabbiyi Vitaliy Levchenkoning sog‘lig‘i bilan bog‘liq muammo sabab bugungi matbuot anjumanida yordamchi murabbiy Sergey Arslonov ishtirok etadi.
O‘yin haqida
- Albatta, kutilmagan mag‘lubiyatga uchradik. Birinchi goldan so‘ng hujumlarni kuchaytirdik, oldinga o‘tdik va vaziyatlar yaratdik. O‘yinga tayyorlangan rejalar o‘zgarib ham ketdi. Vaziyatlar yaratgan bo‘lsak-da, bugun mehmonlar darvozasini ishg‘ol qilish bizga nasib etmadi. Ikkinchi gol o‘yin taqdirini deyarli hal qilgandi, uchinchisi ortiqcha ham bo‘ldi. Shu o‘rinda futbolchilarga savolim bor, nega barcha o‘zining chizig‘idagi raqibga imkoniyat berib qo‘ydi?
- Birinchi davrada natijalar boshqacha edi. Ikkinchi davrada buning aksini ko‘rayapmiz. Endilikda murabbiylar shtabi taktikalari ish bermay qo‘ydimi? Keyin davralar oralig‘ida tashkil etilgan o‘rtoqlik o‘yinlarining aksariyati nega yopiq tarzda o‘tdi?
- Davralar oralig‘ida biz yangicha uslublarni sinovdan o‘tkazdik. Jamoaga yangi futbolchilar taklif etildi, ularning imkoniyatlarini aniq baholab olish kerak bo‘lardi. Muxlislardan uzr so‘raymiz, biz barchasini jamoaga yaxshi bo‘lsin deb amalga oshirayapmiz. Yangi futbolchilar birdaniga yaxshi o‘yin ko‘rsatib ketishi qiyin. Bizda uslublar o‘zgardi, ijobiy natija bo‘lishini murabbiylar shtabi ham istaydi.
- Birinchi davrada gol o‘tkazib yubormaslik bo‘yicha statistika "Neftchi"da yaxshi edi. Nega hozirga kelib bu ko‘rsatkich aksiga aylanayapti? Bu himoyaning pand berayotgani bilan bog‘liqmi?
- Yo‘q, o‘tkazib yuborilgan gollar uchun butun boshli jamoa javobgar bo‘ladi. Kamchiliklarimiz bor, tahlil qilamiz va ishlaymiz.
- Muxlislarda yoshlarga kam imkoniyat berilayotgani bilan bog‘liq e’tirozli savollar ham mavjud...
- Yoshlarni butunlay jalb etmay qo‘yilgani yo‘q. Asta-sekin imkoniyat berayapmiz. Bugun ham zaxira o‘rindig‘imizda yosh futbolchilar bor edi. Ularning to‘liq maydonda o‘ynab ketishlari uchun bizda ham, futbolchilarning o‘zida ham ishonch shakllanishi kerak. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Superliga. "So‘g‘diyona" safarda "Neftchi"ni yirik hisobda mag‘lub etdi
Frontdagi vaziyat: Ukraina qurolli kuchlari katta tavakkalchilik qilmoqda
Britaniya diplomati hukumat Isroilga qurol sotgani uchun iste’foga chiqdi
O‘zbekistonda 20 avgust kuni qanday ob-havo bo‘lishi ma’lum qilindi
Ukraina Putinni hibsga olishga order bergan sud bo‘yicha qonunni ma’qulladi
“Roma” 7 futbolchi bilan xayrlashadi. Ular orasida Shomurodov ham bormi?
X “senzura buyrug‘i” sababli Braziliyadagi faoliyatini to‘xtatadi
Tergov Shoyguning sobiq o‘rinbosarining boshqa jinoyatlarga ham aloqadorligini tekshiradi
