Yangi mavsumda yuqori o‘rinlar va Yevropa Chempionlar ligasi uchun kurashishi talab etilayotgan “Roma” chempionatning dastlabki ikki o‘yinidayoq besh ochko yo‘qotib bo‘ldi.
Bosh murabbiy Daniele De Rossi qo‘l ostida jamoa g‘alabalarini Paulo Dibala, Matias Sule va Artyom Dovbikdan tarkib topgan hujum uchligi ta’minlashi kerak. Biroq poytaxtliklarning A Seriyaning yangi mavsumidagi birinchi va hozircha yagona goli kutilmagan futbolchi – “Roma” o‘z rejalariga kiritmagan Eldor Shomurodov tomonidan urildi.
Italiya matbuoti bu gol Eldor Shomurodovning faoliyatiga o‘zgartirish kiritishi mumkinligini yozmoqda.
- “Empoli”dan uchralgan mag‘lubiyatdan keyin “Roma” futbolchilari Trigoriyadagi o‘quv-mashg‘ulot bazasida mashg‘ulotlarga qaytdi. Eng asosiysi, hozir alamli mag‘lubiyat ta’siridan tezroq qutilib, ham jismonan, ham ma’nan tiklanib olishga e’tibor qaratilmoqda.
“Yuventus” bilan bo‘ladigan uchrashuvdan keyin FIFA kunlari munosabati bilan milliy chempionatlarda qisqa muddatli tanaffus e’lon qilinadi.
Daniele De Rossi shogirdlari Trigoriyada mashg‘ulotlarni boshlab yubordi. “Bo‘rilar”ning birinchi golini urgan Eldor Shomurodov avjida. O‘zbek legioneri o‘zgacha ishtiyoq bilan shug‘ullanyapti va boshqalardan faolligi bilan ajralib turibdi. Darhaqiqat, gol urgan hujumchi uchun keyingi mashg‘ulotlar doimo yoqimli bo‘lishini yaxshi bilamiz, - deb yozmoqda “Roma” tayyorgarligini kuzatib borayotgan romaforever.it sayti eksperti Julio Benatti.
Eldorning mashg‘ulotlardagi faolligini quyidagi suratlardan bilib olish mumkin:
Yana bir nufuzli manba – giallorossi.net yozgi transfer oynasining yopilish kuni yaqinlashayotgani munosabati bilan “Roma”ning transfer siyosatiga e’tibor qaratdi.
- Temmi Abraxam Londonga qaytish arafasida. Klub “Vest Xem”ning 20 million yevro va qo‘shimcha bonuslar kiritilgan taklifini qabul qilishga tayyor. Hujamchi “Empoli”ga qarshi bahsda zaxira o‘rindig‘ida o‘tirdi. Daniele De Rossi maydonga yangi hujumchini tushirish kerak bo‘lgan pallada Eldor Shomurodovni tanladi. Bu holat Temmi Abraxamning Rimdagi sarguzashtlari yakuniga yetganidan darak beradi.
Temmi Abraxam Rim klubida Paulo Dibaladan keyin eng katta maosh olayotgan (yiliga 5 million yevro) futbolchi hisoblanadi. Angliyalik charm to‘p ustasi “Vest Xem”ga o‘tsa, “Roma”ning maoshlar budjeti yengillaydi.
Daniele De Rossi o‘tgan o‘yinda Temmi Abraxamga yangi mavsumda undan umid qilmayotganini ochiq ko‘rsatib qo‘ydi. Klub bilan xayrlashishi kerak bo‘lgan futbolchilar orasidan faqatgina Eldor Shomurodov jamoada qolishiga imkon paydo bo‘ldi. Kutilmagan burilish.
“Empoli” bilan o‘yindan keyin Daniele De Rossi o‘zbek futbolchisi haqida juda yoqimli gaplar aytib, unga mana shunday o‘yinchilar kerakligini ta’kidladi va bosh murabbiyning so‘zlaridan keyin Shomurodovning Rimda qolishi ehtimoli oshib ketdi. Qolaversa, murabbiylar shtabi chap qanotda o‘ynay oladigan hujumchiga ehtiyoj sezayotgan edi. Shu bois, Shomurodov hech bo‘lmaganda zaxira hujumchisi sifatida tarkibda qolishi mumkin, - deb yozdi giallorossi.net portali.
Eslatib o‘tamiz, o‘tgan mavsumda ijara asosida “Kalyari”da o‘ynab kelgan Eldor Shomurodovga bir necha jamoalardan qiziqish bo‘lgandi. Xususan, “Kalyari” o‘zbek legionerini to‘liq transfer qilishga urindi, biroq rimliklar hujumchini sardiniyaliklar so‘ragan summaga bermadi.
A Seriyaning o‘zidan “Verona” va “Parma” forvard bo‘yicha transfer ma’lumotlarini so‘radi. Ammo ish transfergacha yetib bormadi. AQSH chempionati vakili “Atlanta Yunayted” Shomurodovni olishga juda yaqin kelgandi. Tomonlar muzokarani yakunlagunicha Amerikada transfer oynasi yopilib qoldi. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
2026 yilda bo‘lajak mundialning favoritlari reytingi taqdim etildi
Xalqaro jinoyat sudining orderi Isroilni nega qo‘rqityapti?
22 noyabr kuni Cobalt avtomobiliga shartnoma ochilishi e’lon qilindi
Italiya sudi Quddus Isroil poytaxti emasligi haqida qaror chiqardi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Shavkat Mirziyoyev Rossiya bosh prokurori bilan uchrashuv o‘tkazdi
