21
Daniyel Gomes: "O‘zbekistonning mashg‘ulotlarini va videolarini ko‘p ko‘rgandik. Raqibni yaxshi o‘rganganimiz samara berdi"
Jahon chempionati 3-turidan o‘rin olgan Kosta-Rika - O‘zbekiston (5:3) uchrashuvidan so‘ng Kosta-Rika terma jamoasi futzalchisi Daniel Gomes saytimizga kichik intervyu berdi.
- O‘yin haqidagi fikrlaringiz bilan bo‘lishsangiz?
- O‘ta qiyin bahs bo‘lishini bilardik. Mezbon jamoaga qarshi o‘ynayotganimiz ham bizga ortiqcha bosim o‘tkazayotgandi. Faqatgina g‘alaba qozonish biz uchun qoniqarli natija bo‘lar edi. Yaratganga shukr, biz ijobiy natija qayd eta oldik.
- O‘zbekiston terma jamoasi haqida nimalar deya olasiz? Ushbu jamoa sizlarni nimasi bilan hayron qoldira oldi?
- O‘zbekiston juda tezkor jamoa ekanligidan xabarim bor edi. Terma jamoangiz bir yoki ikkita pas orqali o‘ynay oladigan jamoa. Raqib jamoaning qarshi kurashish qanchalik qiyin bo‘lmasin, biz o‘zimizga kerakli natija qayd etishga majbur edik. Biz to‘pni olib qo‘ya oldik va gollar urdik.
- Kosta-Rika terma jamoasi pley-off bosqichiga yo‘l oldi. Keyingi bosqich haqidagi fikr bildirib o‘tsangiz?
- Ayni damda biz kim raqibimiz bo‘lishini bilmaymiz. Niderlandiya Paragvayni mag‘lub etganidan xabarim bor va ular guruhda ikkinchi o‘rinni qo‘lga kiritishdi. Biz uchinchi o‘rinni egallagan eng yaxshi jamoa bo‘la oldik va qaysidir guruhda birinchi o‘rinni egallagan jamoaga qarshi o‘ynaymiz. Kim raqib bo‘lishidan qat’iy nazar biz faqatgina g‘alaba qozonish uchun o‘ynaymiz.
- O‘zbekiston terma jamoasining bugungi uchrashuvda mag‘lubiyatga uchrashiga nima sabab bo‘ldi deb o‘ylaysiz?
- Xo‘sh, birinchi navbatda O‘zbekiston bugungi bahsda turli xil uslublarda o‘ynaganini ta’kidlab o‘tmoqchiman, bu jamoa ko‘p vaqtdan beri birga o‘ynab kelayotganiga isbot bo‘la oladi. Raqibimiz bugun bir-ikkita pas orqali hujumga o‘tdi. Jamoa qanday o‘ynashni va taktikalarni yoddan bilishidan xabarimiz bor edi. Bunday tezkor jamoalarga qarshi himoyalanish oson vazifa emas. Biz O‘zbekiston terma jamoasining mashg‘ulotlarini kuzatib bordik, videolarini tomosha qildik. O‘zbekistonga qarshi qanday samarali o‘ynash kerakligi haqida ko‘p bosh qotirgandik. Barcha mehnatlarimiz o‘z samarasini berdi va bugun raqibimiz bizga ko‘p muammo yarata olmadi.
Abdulvosit Bektemirov suhbatlashdi
“Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Zelenskiy Putin borasida bayonot berdi: “Tinchlikni istaganlar yuziga tupurmoqda”
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Putin Ukrainadagi obyektga ballistik raketa zarbasi berilganini e’lon qildi
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
O‘mon sultonligi elchisi: «Urushlarni harbiy kuch bilan hal qilib bo‘lmaydi»
Shavkat Mirziyoyev Rossiya bosh prokurori bilan uchrashuv o‘tkazdi
