Bugun World Boxing Prezidenti Boris van der Vorst O‘zbekiston Milliy Olimpiya qo‘mitasiga tashrif buyurdi. Martabali mehmonni Sport vaziri Adham Ikramov, MOQ Bosh kotibi Oybek Kasimov, Qo‘mita raisi o‘rinbosari, mamlakat boks federatsiyasi raisining birinchi o‘rinbosari Saken Polatov hamda MOQ raisi o‘rinbosari Sherzod Tashmatov qarshi olishdi. Bu haqda MOQ matbuot xizmati xabar tarqatmoqda.
Yig‘ilishda World Boxing Prezidenti tashkilot faoliyati, uning maqsadlari haqida ma’lumot berdi. Unga ko‘ra, bugungi kunga kelib, 49 davlat ushbu xalqaro federatsiyaga a’zo bo‘lib, boks rivoji bo‘yicha kelgusida qator istiqbolli loyihalar rejalashtirilgan.
Suhbat davomida boks bo‘yicha O‘zbekiston erkaklar terma jamoasining Parij-2024 yozgi Olimpiya o‘yinlarida 7 ta vazndan 5 tasida oltin medalni qo‘lga kiritgani, bugungi kunda O‘zbekiston boks olamida jahonda yetakchilardan biri ekani ham tilga olindi. Qolaversa, rasmiylarimiz boksning Los-Anjeles-2028 yozgi Olimpiya o‘yinlari dasturida saqlanib qolishi tarafdori ekanini bildirishdi.
Hozircha O‘zbekiston tomoni rasman Xalqaro boks assotsiatsiyasi (IBA) a’zosi hisoblanadi. IBA esa Xalqaro Olimpiya qo‘mitasi (XOQ) bilan ziddiyatli vaziyatga kelgan va XOQ navbatdagi Olimpiya o‘yinlarida IBA ga a’zo mamlakat sportchilarini qatnashmasligini ma’lum qilgan edi. Shu sababli katta ehtimol bilan mamlakatimiz boks federatsiyasi ham IBA ni tark etib, Boris van der Vorst rahbarlik qilayotgan World Boxing tashkilotiga a’zo bo‘lishi kutilmoqda. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
KXDR Ukrainadagi urush uchun Rossiyaga snaryadlar yetkazib bermoqda
Qahva miyada «baxt garmoni»ni ishlab chiqarishi va yurakka foydali ekanligi aytildi
Kuzda immunitetni yaxshilash uchun nimalar iste’mol qilish kerak?
Tramp 2017 yilda Putindan Ukraina bo‘yicha maslahat so‘ragan ekan...
Shimoliy Koreya «yangi davr» boshlanganini e’lon qildi
Harvard talabalari smart ko‘zoynak yordamida begonalarning shaxsini aniqlashga muvaffaq bo‘ldi
Ramzan Qodirov urush ehtiyojlari uchun Rossiyaga 100 ta “Jihod mashinasi”ni berdi
Eron oliy rahbari Isroil bo‘ylab raketa zarbasini qanday izohladi?
