Oʻzbekistonning Jahon chempionatiga chiqish imkoniyati 4-turdan soʻng keskin oshdi

^{Foto: “OʻFA”}
We Global Football nashri 4-tur oʻyinlaridan soʻng Osiyo jamoalarining 3-saralash bosqichi orqali toʻgʻridan-toʻgʻri JCh—2026 yoʻllanmasini qoʻlga kiritish imkoniyatlarini qayta hisoblab chiqdi.

Oʻzbekistonning imkoniyati kechagi gʻalabadan soʻng keskin oshdi — 93,1% (3-turdan soʻng 82,8% edi). Qatar magʻlubiyatdan soʻng Jahon chempionatiga chiqish imkoniyatlari tushib ketdi.

^{X (Twitter)}
1. Yaponiya — 99.99%
2. Eron — 99.6%
3. Janubiy Koreya — 99.5%
4. Oʻzbekiston — 93.1%
5. Avstraliya — 75.1%
6. Iroq — 53.4%
7. Iordaniya — 41.6%
8. Saudiya Arabistoni — 16.7%
9. Bahrayn — 7.9%
10. Ummon — 5.4%

Terma jamoalarning 4-bosqichga oʻtish imkoniyati esa quyidagicha baholangan:

1. Qatar — 88.0%
2. BAA — 88.0%
3. Ummon — 79.5%
4. Saudiya Arabistoni — 72.0%
5. Bahrayn — 69.5%
6. Iordaniya — 57.4%
7. Iroq — 45.8%
8. Avstraliya — 24.2%
9. Indoneziya — 21.0%
10. Xitoy — 13.3%

Ma'lumot uchun, 4-turda Oʻzbekiston milliy jamoasi oʻz uyida BAA ustidan kichik hisobda gʻalaba qozondi. Eron jamoasi BAAda oʻtgan oʻyinda Qatarni, Qirgʻiziston jamoasi esa Shimoliy Koreyani magʻlub etdi.

Oʻzbekiston 5-tur uchrashuvini safarda oʻtkazadi. 14 noyabr kuni boʻlib oʻtadigan oʻyinda Oʻzbekistonga Qatar raqiblik qiladi. “Zamin” yangiliklarini “Telegram”da kuzatib boring