O‘zbekistonning Jahon chempionatiga chiqish imkoniyati 5-turdan so‘ng bir oz pasaydi

^{Foto: “O‘FA”}
We Global Football nashri 5-tur o‘yinlaridan so‘ng Osiyo jamoalarining 3-saralash bosqichi orqali to‘g‘ridan to‘g‘ri JCH—2026 yo‘llanmasini qo‘lga kiritish imkoniyatlarini qayta hisoblab chiqdi.

Milliy jamoaning Qatarga uchralgan mag‘lubiyatidan so‘ng imkoniyatlari 84,8 foizga baholanmoqda. Qatarning to‘g‘ridan to‘g‘ri mundialga yo‘l olishiga 9 foizga yaqin.

^{Foto: We Global}
O‘zbekistonning imkoniyati 4-turdagi g‘alabadan so‘ng keskin oshgandi — 93,1% (3-turdan so‘ng 82,8% edi).

5-turda O‘zbekiston milliy jamoasi mehmonda Qatarga (3:2) mag‘lub bo‘ldi. Eron jamoasi Laosda o‘tgan o‘yinda Shimoliy Koreyani mag‘lub etib ochkolari hisobini 13 ta yetkazdi. BAA Qirg‘iziston ustidan yirik 3:0 hisobida g‘alaba qozondi.

We Global nashri guruh yetakchilari Eron, Yaponiya va Janubiy Koreyaning JCH—2026 ga borish imkoniyatini sal kam yuz foizga baholamoqda.

Ma’lumot uchun, O‘zbekiston terma jamoasi ushbu mag‘lubiyatdan so‘ng ham turnir jadvalida ikkinchi o‘rinda bormoqda. Jamoa keyingi turni Shimoliy Koreyaga qarshi 19 noyabr kuni o‘tkazadi. “Zamin” yangiliklarini “Telegram”da kuzatib boring