Fransiyaning eng mashhur klublaridan “Monako”ning O‘zbekiston milliy terma jamoasi va SSKA klubi hujumkor futbolchisi Abbosbek Fayzullayevni 15 million yevroga transfer qilishi haqidagi xabar futbol jamoatchiligi tomonidan qizg‘in muhokama qilinmoqda.
Aleksandr Mostovoy, Rossiya terma jamoasi va “Selta” klubi sobiq futbolchisi:
- Agar Abbosbek Fayzullayevga “Monako”dan shunday taklif tushadigan bo‘lsa, o‘ylab o‘tirmay ketishi kerak.
SSKAning o‘zi ham buncha mablag‘ evaziga uni qo‘yib yuborishi aniq. Bugungi sharoitda 15 million yevro – katta pul. Namuna uchun uzoqqa bormaylik, “Monako”da o‘ynayotgan Aleksandr Golovin yaqqol misol.
Agar bu transfer amalga oshsa, Fayzullayev uchun top-ligaga yo‘l ochiladi.
Valeriy Gazzayev, Rossiya terma jamoasi sobiq bosh murabbiyi:
- Fayzullayev 21 yosh, SSKAda endigina ikkinchi mavsumini o‘tkazmoqda. Biroq bu futbolchi bugungi kunda Osiyo qit’asining eng yorqin talantlaridan biri sifatida e’tirof va e’tibor qozongan.
Biz ham uning texnik mahoratini kuzatib boryapmiz va u mahorat bobida SSKAning qolgan o‘yinchilari orasida yaqqol ajralib turibdi.
Abbosning ketishi klub uchun katta yo‘qotish bo‘ladi va hujum chizig‘i qudrati zaiflashib qoladi. Agar bu taklif jiddiy tarzda o‘yinchini va klubni qoniqtirsa, keyinchalik o‘sish uchun ham uni qabul qilish lozim.
Bu Fayzullavga top-chempionatda o‘z mahoratini ko‘rsatishi uchun juda yaxshi imkoniyat bo‘lishi mumkin.
Yuriy Syomin, Rossiya terma jamoasi sobiq bosh murabbiyi:
- “Monako” hal qiluvchi rasmiy taklifni yuborsa, bu transfer Abbosbek Fayzullayevning o‘ziga ham qiziq bo‘lishi aniq. Chunki bu boshqa darajadagi, boshqa saviyadagi liga va jamoada o‘ynash imkoniyatini beradi.
To‘g‘risini aytsam, rasmiy taklif bildirilmaguncha, transferga ishonib qolish kerak emas.
Abbosbek Fayzullayev 2023 yilning avgustida “Paxtakor”dan SSKAga ko‘chib o‘tgan edi. Uning “armiyachilar” bilan shartnomasi 2026 yilning yozigacha davom etadi. Hozirga qadar 21 yoshli legionerimiz SSKA tarkibida barcha musobaqalarda 54 ta uchrashuvda maydonga tushib, sakkizta gol va 20 ta assist muallifi bo‘lgan.
Hamyurtimiz transferlarga ixtisoslashgan transfermarkt.world portali tomonidan 6 million yevroga baholanmoqda va bu ko‘rsatkich bo‘yicha Markaziy Osiyoning eng qimmatbaho futbolchisi hisoblanadi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ilon Mask: Amerika Qo‘shma Shtatlari bankrotlik yoqasida!
Bayden “Isroilga qarshi kitob” bilan omma oldida ko‘rindi
Erdo‘g‘an Putin bilan Suriyadagi vaziyatni muhokama qildi
Xitoy Donald Trampning BRICS a’zolariga nisbatan tahdidlariga javob berdi
Germaniyada 17 yoshli bola yirik terakt uyushtirishga urindi
O‘zbekistonda huquqni muhofaza qiluvchi organlar xodimlariga doir taqiqlar belgilandi
Nukusda rossiyalik jurnalist qo‘lga olingani bo‘yicha rasmiy izoh berildi
Chet el valyutalarining so‘mga nisbatan yangi qiymati belgilandi
