Eldor Shomurodov joriy mavsumda Yevropa kuboklarida ishtirok etayotgan yagona o‘zbek futbolchisi hisoblanadi.
Qozog‘istonning “Ordabasi” jamoasidagi Shahboz Umarov va Jasurbek Yaxshiboyev ham, “Lans” yulduziga aylangan Abduqodir Husanov ham UYEFA tasnifidagi Chempionlar ligasi va Konferensiyalar ligasi kabi nufuzli musobaqalarni erta bosqichlarda tark etib bo‘lgan.
Faqatgina Eldor Shomurodov “Roma”da qolgani munosabati bilan “bo‘rilar” safida Yevropa ligasi umumiy bosqichda ishtirok etib kelmoqda.
“Roma” qit’a miqyosidagi musobaqada ancha kamtar natijalarni qayd etmoqda. Poytaxtliklar beshta o‘yindan faqat bittasida g‘alaba qozongan, uch marotaba durang o‘ynab, bir bor imkoniyatni boy bergan.
Hozircha, rimliklar oltinchi tur oldidan besh ochko bilan umumiy jadvalda 36 ta jamoa orasida 21-pog‘onada bormoqda.
Bosh murabbiylikka Klaudio Raneri tayinlanganidan keyin jamoa o‘yinida ijobiy o‘zgarishlar ko‘zga tashlana boshladi. Tajribali mutaxassis shogirdlarini Portugaliyaning “Braga” jamoasiga qarshi o‘yinga puxta tayyorladi.
Rimliklar Yevropa ligasidagi o‘yin qaydnomasiga 24 nafar futbolchini kiritdi. Ro‘yxat bilan quyida tanishish mumkin.
Eldor Shomurodov ham bo‘lajak uchrashuvga tayyorlanmoqda. Jarohatidan qutilganidan keyin legionerimiz yuqori sport formasini tiklashga harakat qilyapti. 29 yoshli hujumchimizning mashg‘ulotlarda qanday mahnat qilayotganini quyidagi suratlardan ko‘rib olish imkoni bor.
Hamyurtimiz Yevropa ligasidagi beshta o‘yindan to‘rttasida ishtirok etdi. Shvetsiyaning “Elfsborg” va Belgiyaning “Yunion” jamoalariga qarshi o‘tkazilgan bahslarda boshlang‘ich tarkibda maydonga tushgan bo‘lsa, Ispaniyaning “Atletiko” va Ukrainaning “Dinamo Kiyev” klublariga qarshi bahslarda zaxiradan o‘yinga qo‘shildi. Jami 166 daqiqa harakat qilgan hujumchisimiz xalqaro turnirda hali o‘zini ko‘rsata olgani yo‘q.
Shomurodov A Seriyada kamroq ko‘proq maydonga tushgan bo‘lsa-da, o‘yin vaqti jihatidan kamroq o‘ynagan. Yetti bor ko‘rinish bergan hamyurtimiz chempionat doirasida 107 daqiqa to‘p tepgan. Shunga qaramay, bittadan gol va assist muallifi bo‘ldi.
“Roma” va “Braga” o‘rtasida “Olimpiko” stadionida bo‘ladigan uchrashuv 12 dekabr kuni Toshkent vaqti bilan 22:45 da boshlanadi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Bashar Asadning yaqin qarindoshi osib o‘ldirildi
Tadqiqot: Kunlik qahva iste’moli umrni uzaytirib, hayot sifatini yaxshilashga yordam beradi
O‘zbek shou-biznesi vakillari Halima Ibragimovani qanday xotirlamoqda?
Suriyada isyonchilar Bashar Asadning otasi qabrini vayron qildi
Konstitutsiyaviy sud: Quruvchi tashkilotlar faoliyati ustidan nazoratni kuchaytirish zarur
Isroilda bosh vazir Binyamin Netanyahu ustidan sud jarayoni boshlandi
Tojikistonning Konibodomida bir oilaning 6 a’zosi o‘ldirib ketildi
Isyonchilar Damashq qamoqxonasida kutilmagan holatga duch kelishdi
