“Lans”da porlayotgan Abduqodir Husanovga da'vogarlik qilayotgan “top-5” ligalaridagi jamoalar qatoriga Turkiyaning eng nomdor klublari ham qoʻshildi. Xususan, mashhur murabbiy Joze Mourino talabi bilan “Fenerbahche” 20 yoshli oʻzbek himoyachisi uchun kurashmoqda.
Xalqaro sport tadqiqotlari markazi (CIES) Abduqodir Husanovni dunyoning 21 yoshgacha boʻlgan eng zoʻr markaziy himoyachisi, deb e'lon qilganidan keyin xorij klublari hamyurtimizga yanada jiddiyroq e'tibor qarata boshladi.
Turkiyaning nufuzli manbalaridan birincihaber.com.tr portali “Fenerbahche”ning tanlovi haqida batafsil ma'lumot tarqatdi.
- Xalqaro sport tadqiqotlari markazi (CIES) ekspertlari tomonidan eng yaxshi yosh markaziy himoyachilar reytingida birinchi oʻringa qoʻyilgan Abduqodir Husanovga “Fenerbahche” da'vogarlik qilmoqda. 20 yoshli himoyachi “Lans”da 16 ta uchrashuvda ishtirok etib, jami 1219 daqiqa harakat qildi va bitta assist ham qayd etdi.
Ali Koch prezidentlik qilayotgan klub bosh murabbiy Joze Mourinoga yoqib qolgan oʻzbek futbolchisi transferi borasida barcha kerakli choralarni koʻradi, - deb yozmoqda birincihaber.com.tr portali.
Ma'lumot oʻrnida keltirib oʻtamiz, Xalqaro sport tadqiqotlari markazi (CIES) tuzgan 21 yoshgacha boʻlgan jahon futbolidagi eng yaxshi markaziy himoyachilar reytingi quyidagicha koʻrinish olgan:
1. Abduqodir Husanov (“Lans”)
2. Petro Komutstso (“Fiorentina”)
3. Matte Smets (“Genk”)
4. Vitor Reys (“Palmeyras”)
5. Kristian Moskera (“Valensiya”)
6. Yasin Ozjan (“Kasimpasha”)
7. Enri Cheyz (“Shtutgart”)
8. Ron Anselmino (“Boka Xuniors”)
9. Tomas Aviles (“Inter Mayami”)
10. Nils Zatterstrem (“Malmyo”).
Ta'kidlash joizki, Joze Mourinoning oʻzbek futbolchisi bilan ishlash tajribasi bor. Aynan portugaliya mutaxassis taklifi bilan 2021 yilning yozida Eldor Shomurodov “Jenoa”dan “Roma”ga transfer qilingan.
Italiyalik manbalar Mourino Eldor Shomurodovni ancha oldindan tanigani va iqtidorini yuqori baholagani uchun ham “Roma”dagi loyihaga jalb qilganini yozgan edi. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Netanyaxuning rafiqasi guvohlarni ta'qib qilishda ayblanmoqda
Yaman husiylari Tel Aviv aeroportiga hujum uyushtirdi
Messining oʻyinidagi qaysi jihat Yamalni hayron qoldirgan?
Seul: Shimoliy Koreya Rossiyaga yana qoʻshin joʻnatishga tayyorlanmoqda
100 nafar falastinlik vaqtincha Oʻzbekistonga evakuatsiya qilindi
Abbosbek Fayzullaev: “Jirona”ni tanlayman...
Husiylar hujumi Misrga 7 mlrd dollar zarar keltirdi
Muhammad Salohning qaysi harakati uchun misrliklarning tanqidlari "yomgʻiri yogʻildi"...?
