Shahram Gʻiyosovning ayiq bilan kurashi tarmoqlarda e'tirozlarga sabab boʻldi

^{Videodan kadr}
Instagram`da taniqli bokschi Shahram Gʻiyosovning Buka Gym sport zalida ogʻzi bekitilgan ayiq bilan jang qilayotgani aks etgan video tarqaldi.

Musiqa bilan e'lon qilingan rolikda arab tilida «Mehribon va rahmdil Alloh nomi bilan!» soʻzlari bilan ovoz berilgan boʻlib, sportchi jonivorni bir necha bor chalqanchasiga yiqitadi. Bu paytda ayiqni boshqa bir kishi jilovida ushlab turgan.

Ijtimoiy tarmoqlarda jahon chempioni va Olimpiada kumush medali sovrindorining harakatlari qoralandi. Foydalanuvchilar videoni joylashtirgan kanaldagi post ostida «dahshatli», «jirkanch», «hayvonlar ustidan kulish» kabi sharhlarni qoldirishgan. Keyinchalik video oʻchirildi, ammo boshqa koʻplab kanallar uni nusxalashga ulgurdi.

^{Foto: Instagram}
«Mehr va Oqibat» hayvonlarni himoya qilish jamiyati videoni koʻrib hayratga tushgan fuqarolardan xabarlar olganini ma'lum qildi. Shu bilan birga, videoda boshqa sportchilar ham borligi aytiladi. Ayiqning tirnogʻi yoʻq, deya aniqlik kiritishdi jamoatchilik vakillari.

Tashkilot Ichki ishlar vazirligi hamda Ekologiya, atrof-muhitni muhofaza qilish va iqlim oʻzgarishi vazirligiga ariza tayyorladi.

Sportchi ham, tasvirga olish ishlari olib borilgan sport zali ham hozircha hech qanday izoh bermagan.

Manba: gazeta.uz

Shahram Gʻiyosov Ayiq bilan kurashi E'tirozlar