Jahon chempionati. Nepomnyashchiy va Karlsen blis boʻyicha gʻalabani boʻlishib oldi

^{Foto: FIDE}
Rossiyalik shaxmatchi Yan Nepomnyashchiy va sobiq jahon chempioni norvegiyalik Magnus Karlsen blis boʻyicha jahon chempionati (JCh) gʻolibi boʻldi. Musobaqa 31 dekabr, seshanba kuni Nyu-Yorkda yakunlandi.

«Tarixda birinchi marta unvon... ikki grossmeyster oʻrtasida taqsimlanadi», — deyiladi Xalqaro shaxmat federatsiyasi (FIDE) xabarida.

Final uchrashuvining dastlabki ikki partiyasida Karlsen gʻalaba qozongan boʻlsa, keyin Nepomnyashchiy ikki marta ustun keldi. Qoʻshimcha uchta partiya durang bilan yakunlangan. Natijada, norvegiyalik rossiyalikni unvon bilan boʻlishishga taklif qildi.

«Albatta, bu oson boʻlmadi», deb tan oldi Nepomnyashchiy dastlabki ikki partiyadagi magʻlubiyat haqida gapirib. «Men unchalik pessimistik emasdim. Albatta, bu eng yaxshi boshlanish emas edi, lekin qachon imkon boʻlsa, oʻynashga va undan foydalanishga harakat qilaman», — deya qoʻshimcha qildi u.

«Hamma, albatta, biz charchaganimizni va asabiylashganimizni tushunadi, ba'zilarga yoqadi, boshqalarga esa yoqmaydi. Lekin shunday boʻladi!» — deya Karlsen yakuniy natija haqida fikr bildirdi.

FIDE Karlsen tufayli dress-kod qoidalarini yumshatdi

Ilgari Karlsen kiyinish qoidalarini buzgani uchun diskvalifikatsiya qilingan edi — u oʻyinga jinsi shimda bordi. Bunga javoban norvegiyalik FIDE turnirlarida keyingi ishtirok etishdan bosh tortdi. Uning rahbari Arkadiy Dvorkovich, oxir-oqibat, qoidalarni biroz yumshatishga imkon berdi, bu esa dress-koddan «kichik ogʻishlarga» yoʻl qoʻydi. Shundan soʻng Karlsen oʻyinga qaytdi. “Zamin”ni Telegramʻda oʻqing!