Oʻzbekiston milliy terma jamoasi hujumchisi va Rimning “Roma” klubi a'zosi Eldor Shomurodovga italiyalik “Kalyari” klubi qiziqish bildirmoqda. Bu haqda “La Gazzetta dello Sport” nashri xabar berdi.
Manbalarning ma'lum qilishicha, Sardiniya klubi yaqin vaqt ichida Shomurodovning transferi boʻyicha “Roma” bilan muzokaralarni boshlashni rejalashtirmoqda. Agar Rim klubi yanvarda yangi hujumchini sotib olsa, Shomurodovning jamoani tark etishi ehtimoli yuqori.
Shomurodov uchun “Kalyari” begona jamoa emas. U 2023/24 yilgi mavsumda aynan ushbu klub safida oʻynab, 24 ta oʻyinda maydonga tushdi. Bu oʻyinlarda 3 ta gol va bir nechta golli uzatmalar amalga oshirdi.
Ma'lumotlarga koʻra, Eldor Shomurodov “Roma” safida jami 62 ta oʻyinda qatnashib, 8 ta gol urgan va 7 ta golli uzatmaga mualliflik qilgan. “Transfermarkt” portali uning transfer narxini 4 million yevroga baholamoqda. Hujumchining “Roma” bilan amaldagi shartnomasi 2026 yil yoziga qadar tuzilgan.
Qayd etish joiz, avvalroq Eldor Shomurodovga “Empoli” klubi tomonidan jiddiy qiziqish bildirilayotgani haqida ham xabar qilingandi.
Uning kelgusi taqdiri qanday boʻlishi muxlislar uchun qiziqarli boʻlib qolmoqda. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Fabritsio Romanodan Abduqodir Husanovning transferi boʻyicha yangi post!
Dekabrda nechta kelishilgan oʻyin oʻynalgani ma'lum qilindi
Husanovga A Seriyadan qiziqish! Unga Shomurodov bilan bir ligada oʻynash imkoni bu...
"Paxtakor"ning Turkiyadagi yigʻinlariga klub raisi tashrif buyurdi
Ispaniya Superkubogi: "Barselona" "Atletik"ni magʻlubiyatga uchratib, finalga yoʻl oldi (video)
Abduqodir Husanovning otasi Hikmat Hoshimov haqida nimalarni bilasiz?
“Roma” Eldor Shomurodov boʻyicha qarorini oʻzgartirdi
Abduqodir Husanovni Germaniyada kimlar kutmoqda?
