“Al-Hilol” hujumchisi Neymar Braziliya internet segmentlaridan birida mashhur futbolchi Romarioga intervyu berdi.
32 yoshli forvard PSJdagi jamoadoshi Kilian Mbappe bilan ziddiyat paydo boʻlishiga Lionel Messi sababchi ekanini ochiqladi.
- Mbappe bilan oʻrtada muammomiz boʻlgani rost, lekin bu jamoaga kelganida oʻta muhim oʻyinchi darajasida edi. Men uni “tilla bola” derdim, doim hazil-huzil qilardik, unga eng zoʻr futbolchiga aylana olishini aytardi. Kilian bilan koʻp muloqot qilganmiz, hatto uyimda birga taomlanardik ham.
Mbappe bilan ajoyib hamkorligimiz bor edi. Lekin PSJga Lionel Messi kelganidan keyin hammasi oʻzgardi. U meni Messidan qizgʻana boshladi. Kelishmovchiliklar boshlandi. Mbappening oʻzini tutishi oʻzgardi, - dedi Neymar.
Qizigʻi shundaki, Parij klubida hujum uchligini tashkil qilgan Neymar, Messi va Mbappedan birortasi hozir PSJda emas. 2023 yilning yozida Messi “Inter Mayami”ga, Neymar “Al-Hilol”ga, bir mavsumdan keyin Mbappe “Real”ga oʻtib ketdi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
