“Manchester Siti” braziliyalik himoyachini ham oʻz safiga qoʻshib oldi

Braziliyalik himoyachi Vitor Reis “Manchester Siti” a'zosiga aylandi. Bu haqda klub matbuot xizmati xabar berdi.

^{Foto: X}
Futbolchi bunga qadar “Palmeyras” safida faoliyat olib borayotgandi.

Reis “Man Siti” bilan 2029 yilning iyunigacha amal qiladigan toʻrt yarim yillik shartnoma imzoladi. Transfer narxi 35 mln yevroni tashkil etadi. Vitor jamoada 22-raqam ostida toʻp suradi.

“Manchester Siti” klubi oʻzbekistonlik himoyachi Abduqodir Husanov 4,5 yilga moʻljallangan shartnoma imzoladi. Abduqodir oʻziga 45-raqamni tanlagan.

Shu tariqa Abduqodir Husanov Angliya Premer Ligasida oʻynaydigan birinchi oʻzbek futbolchisiga aylanadi. Angliyaning yuqori divizionida futbolchilari oʻynagan davlatlar soni esa 119 taga etadi.

Ma'lumot uchun, “Lans” Husanovni 2023 yil iyul oyida “Energetik-BGU”dan 100 ming yevroga sotib olgandi. Husanov Fransiya klubi safida 31 ta oʻyinda maydonga tushib, bir marta golli uzatma amalga oshirdi. “Zamin” yangiliklarini “Telegram”da kuzatib boring