EChL. Lissabondagi yomgʻirli dramada "Barselona" fantastik kambek qayd etdi!

^{Foto: Getty Images}
Futbol boʻyicha UYeFA Chempionlar Ligasi umumiy bosqichining 7-tur uchrashuvi yakunlandi, unda Lissabonning “Benfika” klubi va Kataloniyaning “Barselona” jamoalari oʻzaro kuch sinashdi. Uchrashuv Lissabonda joylashgan “Da Lush” stadionida boʻlib oʻtdi.

Oʻyinda “Benfika” hujumchisi Vangelis Pavlidis ochdi. 13-daqiqada “Barselona” hujumchisi Robert Levandovski penaltidan hisobni tenglashtirdi. Birinchi boʻlim oʻrtalarida Pavlidis dublga erishdi. 30-daqiqada Pavlidis oʻzining uchinchi golini urib, xet-trikni rasmiylashtirdi.

64-daqiqada “Barselona” hujumchisi Rafinya hisobdagi farqni qisqartirdi. Ikkinchi boʻlim oʻrtalarida himoyachi Ronald Arauxo avtogolga sababchi boʻldi. 78-daqiqada Levandovski penaltidan ikkinchi golini urib, dubl qayd etdi. 86-daqiqada “Barselona” himoyachisi Erik Garsiya uchrashuvdagi muvozanatni tikladi. 90+6-daqiqada Rafinya mehmonlar uchun gʻalaba golini kiritdi. Uchrashuv mehmonlarning 5:4 hisobidagi gʻalabasi bilan yakunlandi.

Ushbu gʻalabadan soʻng Kataloniya klubi hisobidagi ochkolar soni 18 taga etdi va jamoa umumiy bosqichda 2-oʻrinni egallab turibdi.

Chempionlar Ligasi umumiy bosqichining soʻnggi, 8-turida “Barselona” 29 yanvar kuni “Atalanta”ga qarshi oʻynaydi. “Benfika” “Yuventus” bilan bahs olib boradi.

“Benfika” — “Barselona” 4:5
Gollar: 1:0 — Pavlidis (2), 1:1 — Levandovski (13, penalti), 2:1 — Pavlidis (22), 3:1 — Pavlidis (30, penalti), 3:2 — Rafinya (64), 4:2 — Arauxo (68, avtogol), 4:3 — Levandovski (78, penalti), 4:4 — Garsiya (87), 4:5 — Rafinya (90+6).
Benfika – Trubin, Fernandes, Otamendi, Antoniu Silva, Tomash Arauju, Koʻkchu (Rolheyser, 80), Florentinu, Eursnes (Barreyro, 61), Skellerup (Di Mariya, 71), Pavlidis (Amduni, 80), Akturkoʻgʻli (Ba, 71).
Barselona – Shesni, Balde (Ferran Torres, 74), Kubarsi, Arauxo, Kunde (Garsiya, 74), Pedri, Kasado (de Yong, 62), Rafinya, Gavi (Lopes, 62), Yamal (Martin, 90+2), Levandovski.
Ogohlantirishlar: Gavi (36), Kunde (66), Fernandes (76), de Yong (90+4), Lopes (90+9).
Chetlatish: Artur (90+8). “Zamin” yangiliklarini “Telegram”da kuzatib boring