Xabaringiz bor, Oʻzbekiston milliy terma jamoasining bosh murabbiyi Srechko Katanes oʻz lavozimidan sogʻligidagi muammolar sababli ketgani e'lon qilindi.
Shundan soʻng, "oq boʻrilar" bosh murabbiyliligiga qaysi mutaxassis kelishi soʻroq ostida qoldi. Ayni damda SPORTS.UZ You Tube sahifasida "Oʻzbekcha futbol" loyihasi davom etmoqda. Bunda bosh murabbiy lavozimiga kelishi mumkin boʻlgan nomzodlar orasidagi Temur Kapadzega eksklyuziv aloqaga chiqildi.
Suhbat davomida mutaxassis bir necha savollarga javob berdi.
- Sizga taklif boʻlsa, bu lavozimga qanchalik tayyorsiz?
- Terma jamoada faoliyat yuritish men uchun doim birinchi oʻrinda turgan. Agar taklif boʻlsa, kuchimiz bilan har tomonlama bunga tayyormiz. Vaziyatni toʻgʻri baholagan holda mas'uliyatni oʻz boʻynimizga olishga shaymiz, - deya Kapadze yuqoridagi savolga javob berdi.
Eslatib oʻtamiz. ayni damda terma jamoamiz Qatarda oʻquv-mashgʻulot yigʻinini olib bormoqda. Mamlakatning bosh jamoasi 27 yanvar kuni Iordaniyaga qarshi oʻrtoqlik bahsida ishtirok etadi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
