“Manchester Siti” tarkibni kuchaytirdi, chempionlikka umid saqlanib qoladimi?

Angliyaning amaldagi chempioni “Manchester Siti” joriy mavsumda chempionlik unvonini munosib himoya qila olmadi. Tarkibdagi kamchiliklar tufayli jamoaning oʻyin sifati va natijalari pasayib ketdi.

Shu sababli “shaharliklar” yanvar oyidayoq tarkibni mustahkamlash maqsadida Abduqodir Husanov, Vitor Reys va Umar Marmushni oʻz safiga qoʻshib oldi.

Jamoa etakchilaridan biri Fil Foden “Manchester Siti” uchta asosiy maqsad sari kurash olib borishini ta'kidladi:

"Joriy mavsumda kuchli toʻrtlikka kirish uchun harakat qilamiz. Shuningdek, Yevropa Chempionlar Ligasi va Angliya kubogida gʻalaba qozonishimiz lozim. Bu biz uchun ogʻir mavsum boʻldi, lekin maqsadlar oʻzgarmaydi. Hammamiz jipslashib, Premer-ligadagi vaziyatni yaxshilashimizga ishonamiz", - dedi Fil Foden. “Zamin” yangiliklarini “Telegram”da kuzatib boring