"Liverpul" Angliya Liga Kubogi yarim finali javob uchrashuvida "Tottenxem"ni 4:0 hisobi bilan mag‘lub etib, final yo‘llanmasini qo‘lga kiritdi. Umumiy hisobda "qizillar" raqibni 4:1 natija bilan safdan chiqarishdi.
Uchrashuvda Kodi Gakpo (34'), Muhammad Saloh (51' penaltidan), Dominik Soboslay (75') va Virjil van Deyk (80') gol mualliflari bo‘lishdi.
Statistika bo‘yicha ham "Liverpul" butunlay ustunlik qildi – jamoa 26 marta darvozaga zarba yo‘llab, ulardan 10 tasini aniq amalga oshirdi. "Tottenxem" esa darvozaga atigi 5 marta zarba berdi va hech biri aniq emas edi.
To‘pga egalik qilishda ham mezbonlar katta farq bilan oldinda bo‘ldi – 65% ga 35%. "Liverpul"ning uzatmalari aniq bajarilishi 87% ni tashkil qildi, bu esa "shporlar"nikiga nisbatan ancha yuqori natija.
Ushbu g‘alaba evaziga "Liverpul" finalga yo‘l oldi va endi Liga Kubogi uchun bahs olib boradi.
“Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
