Shaxmat. Javohir Sindorov Magnus Karlsenni magʻlubiyatga uchratdi

Vayssenxaus shahrida shaxmat boʻyicha mukofot jamgʻarmasi 750 ming dollar boʻlgan nufuzli turnir boshlandi.

Ushbu musobaqada oʻzbekistonlik ikki shaxmatchi — Nodirbek Abdusattorov va Javohir Sindorov ishtirok etmoqda.

Bugun oʻtkazilgan beshta raund yakuniga koʻra, Javohir Sindorov 4,5 ochko jamgʻarib, musobaqa jadvalida amerikalik Fabiano Karuana bilan etakchilik qilmoqda. Nodirbek Abdusattorov hisobida esa 2,5 ochko mavjud.

Javohir Sindarov germaniyalik Vinsent Keymer, amerikalik Levon Aronyan, sloveniyalik Vladimir Fedoseyev hamda shaxmat afsonasi, Norvegiya vakili Magnus Karlsen ustidan gʻalaba qozondi.

Nodirbek Abdusattorov esa Gukesh, amerikaliklar — Xikaru Nakamura va Fabiano Karuana bilan durang qayd etgan boʻlsa, Vladimir Fedoseyevni magʻlubiyatga uchratdi. “Zamin” yangiliklarini “Telegram”da kuzatib boring