Hujumchi Husayn Norchayev “Nasaf” klubiga qaytdi

^{Foto: “Nasaf” klubi}
Husayn Norchayev “Nasaf” klubi futbolchisiga aylandi. Bu haqda klub matbuot xizmati xabar berdi.

"Mamnuniyat bilan shuni e'lon qilamizki, hujum chizigʻimiz yana-da kuchaymoqda! Oʻz akademiyamizdan etishib chiqqan Husayn Norchayev yana biz bilan birga! Gollar, paslar, gʻalabalar kutib qolamiz! Jonajon "Nasaf"imizga xush kelding, Husaynjon!", - deyiladi klub xabarida.

Avvalroq Husayn Norchayev Portugaliyaning “Braga” klubiga oʻtishi aytilgandi. Keyinchalik bu amalga oshmadi. Bunga viza sabab boʻlgani aytilgandi.

^{Foto: “Nasaf” klubi}
Ma'lumot uchun, Norchayev 2002 yil, 6 fevral kuni Qashqadaryoda tugʻilgan. Norchayev Qarshi klubi akademiyasidan etishib chiqqan. Oʻtgan mavsumni Fargʻonaning “Neftchi” klubida oʻtkazdi. Transfermarkt portali futbolchini 400 ming yevroga baholagan. “Zamin”ni Telegramʻda oʻqing!