O‘zbekistonlik bokschi qizlardan tarixiy natija!

Serbiyaning Nish shahrida boks bo‘yicha ayollar o‘rtasidagi jahon chempionati o‘z yakuniga yetdi. Unda O‘zbekiston terma jamoasi muvaffaqiyatli ishtirok etib, o‘z tarixida ilk bor 1 ta kumush va 3 ta bronza medallariga sazovor bo‘ldi.

-66 kg vazn toifasining final jangida Navbahor Hamidova Olimpiada va jahon chempioni, turkiyalik Busenaz Surmenliga imkoniyatni boy berib, kumush medal bilan taqdirlandi. Shunday bo‘lsa ham, u kattalar o‘rtasidagi dunyo birinchiliklarining finalida ringga ko‘tarilgan birinchi o‘zbekistonlik bokschi qizga aylandi.

Musobaqada shohsupaga ko‘tarilgan o‘zbekistonlik sportchilar:

Kumush medal:
-66 kg: Navbahor Hamidova

Bronza medal:
-48 kg: Farzona Fozilova
-50 kg: Sabina Boboqulova
-52 kg: Feruza Kazakova “Zamin” yangiliklarini “Telegram”da kuzatib boring