“Al-Hilol” Salohni qo‘lga kiritishga umid qilmoqda

Saudiya Arabistoni klublari “Liverpul”ning eng yaxshi to‘purari Muhammad Saloh kelasi yozda baribir ushbu mamlakat professional ligasiga o‘tishiga ishonmoqda, deb The Telegraph xabar berdi.

Nashrga ko‘ra, 32 yoshli misrlik yulduzni qo‘lga kiritishda “Al-Hilol” jamoasining imkoniyati yuqori baholanmoqda.

Shunga qaramay, Muhammad Saloh 15 iyunda boshlanadigan yangi formatdagi jahon chempionati tugamaguncha hech qanday klub bilan shartnoma imzolamaydi. U turnirda “Liverpul” futbolchisi sifatida ishtirok etadi.

Bundan tashqari, Saloh “Liverpul” bilan hamkorlikni uzaytirish bo‘yicha muzokaralarni ham davom ettirayotgani aytilmoqda.

Joriy mavsumda Saloh barcha turnirlarda 43 bor maydonga tushib, 32 ta gol va 22 ta golli uzatma muallifi bo‘ldi. Uning amaldagi shartnomasi 30 iyungacha amal qiladi. “Zamin” yangiliklarini “Telegram”da kuzatib boring