Jahon kubogi. Ertaga 3 nafar hamyurtimiz final yo‘llanmasi uchun ringga ko‘tariladi

Xabaringiz bor, 31 martdan Braziliyada boks bo‘yicha Jahon kubogi musobaqasi bo‘lib o‘tmoqda. Bu haqda O‘zbekiston boks federatsiyasi xabar bermoqda.

World Boxing tashkiloti kubogining navbatdagi kunidan yarim final janglari o‘rin olgan. Bugungacha 4 nafar vakilimiz final yo‘llanmasini qo‘lga kiritib bo‘lishdi.

4 apreldan 5 aprelga o‘tar kechasi 3 nafar bokschimiz hal qiluvchi bosqich oldidan uchrashuvlarini o‘tkazadi.

Quyida juftliklar bilan tanishing:

- 55 kg: Mirazizbek Mirzahalilov - Jose Felipe (Gvatemala), soat 03:15 (5 aprel tongida);

- 80 kg: Javohir Ummataliyev - Dias Moljigitov (Qozog‘iston), soat 04:00 (5 aprel tongida);

- 85 kg: Akmaljon Isroilov - Yakub Strashevski (Polsha), soat 04:45 (5 aprel tongida). “Zamin” yangiliklarini “Telegram”da kuzatib boring