Shevadzuskiy Bahodir Jalolovga qarshi jang haqida ochiq gapirdi

5 aprel kuni Ostonada yozilgan kecha boks tarixida o‘z o‘rnini egalladi. Uzoq kutilgan professional boks kechasida o‘zbekistonlik super og‘ir vazn chempioni Bahodir Jalolov ukrainalik Igor Shevadzuskiyga qarshi ringga chiqdi va yana bir marta mahoratini namoyish etdi.

Jang yakunida hakamlar bir ovozdan g‘alabani Bahodir Jalolovga berishdi. Shu bilan yurtimiz chempioni professional ringdagi 15-jangini ham g‘alaba bilan yakunladi. Quvonarlisi, u bu bahslarning barchasida g‘alaba qozongan — ideal seriya davom etmoqda!

Biroq jangdan keyingi voqealar ham diqqatga sazovor. Shevadzuskiy qo‘zg‘olonchi kabi intervyu berdi va o‘zini oqladi — u Bahodir Jalolovga qarshi jangga hech qanday tayyorgarliksiz chiqqanini aytdi:

“Menga shartnoma jangdan atigi besh kun oldin yuborildi. Hech qanday tayyorgarlik o‘tkazmadim. Ostonaga esa bahsdan bir kun oldin yetib keldim. Lekin men bu yerga yutqazish uchun kelmaganman. Og‘ir vazndagi dunyodagi eng yaxshi bokschilardan biriga qarshi ringga chiqish — men uchun sharaf. Jamoamga, Bahodir Jalolovga va Qozog‘iston muxlislariga katta rahmat!”

Boks muhitida bu kabi qisqa tayyorgarlik bilan ringga chiqish katta jasorat talab qiladi. Lekin bu, albatta, Bahodir Jalolovning ustun jismoniy va taktik tayyorgarligiga soyabon bo‘la olmaydi. U yana bir bor o‘z darajasini namoyish qildi.

Muhimi, Bahodir Jalolov yana yutib, muxlislarini xursand qildi. Endilikda u endi yana-da jiddiy raqiblarga qarshi yo‘l oladi. Olimpiya chempionining katta boksdagi yo‘li qizg‘in va shiddatli tarzda davom etmoqda! “Zamin” yangiliklarini “Telegram”da kuzatib boring