Ederson “Everton”ga qarshi o‘yinda o‘ynamaydi

Braziliyalik darvozabon Ederson Moraes 19-aprel kuni bo‘lib o‘tadigan Angliya Premer-ligasining 33-turida “Everton”ga qarshi o‘yinda “Manchester City” safida maydonga tusha olmaydi, deb Euro-Football.ru xabar berdi.

Bu haqda jamoa bosh murabbiyi Xosep Gvardiola ma’lum qildi:
— Qancha muddat safda bo‘lmasligini ayta olmayman, — dedi u.

31 yoshli Ederson joriy mavsumda barcha musobaqalarda 33 o‘yinda ishtirok etib, 47 ta gol o‘tkazgan va 9 ta “quruq” o‘yin o‘tkazishga muvaffaq bo‘lgan.

“Everton” — “Manchester City” o‘yini 19-aprel, shanba kuni, soat 17:00 da (Moskva vaqti) boshlanadi. “Zamin”ni Telegramʻda oʻqing!