Saul Alvaresning g‘alabasidan keyin ringda yangi super jang e’lon qilindi!

Saudiya Arabistoni poytaxti Ar-Riyod shahrida tashkil etilgan professional boks kechasi o‘z yakuniga yetdi.

Kechaning eng asosiy va qiziqarli bahsida jahon boksi yulduzlaridan biri hisoblangan meksikalik Saul «Kanelo» Alvares hamda kubalik iqtidorli bokschi Vilyam Skull o‘zaro ringga ko‘tarildi. Ushbu uchrashuv to‘liq 12 raund davom etdi va natijada hakamlarning bir ovozdan chiqargan qaroriga ko‘ra Saul Alvares g‘olib deb topildi.

Garchi bu jang muxlislar uchun kutilgandek qiziqarli va ta’sirli o‘tmagan bo‘lsa-da, uchrashuvdan keyingi voqealarning o‘zi kechani yanada qizitib yubordi.

Yangi jang uchun maxsus anons qilish maqsadida ringga amerikalik mashhur chempion Terens Krouford chiqib, Alvares bilan dastlabki ko‘zqarashlar to‘qnashuvini amalga oshirdi.

Ma’lumotlarga ko‘ra, bu ikki buyuk bokschi o‘rtasidagi jang 12 sentyabr kuni AQSHning Las-Vegas shahrida super o‘rta vazn toifasida o‘tkaziladi.

Boks olamidagi ko‘plab mutaxassislar bu jangni yilning eng muhim va qiziqarli voqeasi sifatida baholashmoqda. Alvares va Krouford o‘rtasidagi uchrashuv sport muxlislari tomonidan katta qiziqish bilan kutib qolinmoqda. “Zamin”ni Telegramʻda oʻqing!