Inzagi: “Al-Hilol” men uchun yangi sahifa va katta imkoniyat

Sobiq “Inter” bosh murabbiyi Simone Inzagi rasman Saudiya Arabistonining yetakchi klublaridan biri — “Al-Hilol” bilan shartnoma imzolab, yangi murabbiy sifatida ish boshladi. U tayinlovdan so‘ng klub matbuot xizmati orqali o‘z fikr va taassurotlari bilan o‘rtoqlashdi.

“Eng avvalo, yangi bosqichni boshlayotganimdan juda mamnunman. Xorijda murabbiy sifatida ishlash — mening orzularimdan biri bo‘lgan. Endi esa buni amalga oshirayotganimdan baxtiyorman,” — dedi Inzagi.

Italiyalik mutaxassis Saudiya futboliga begona emasligini ta’kidladi. Uning aytishicha, ham “Latsio”, ham “Inter” safida arab jamoalariga qarshi bir necha bor o‘ynagan. Shu sabab “Al-Hilol”ning mavqei va Saudiya chempionatidagi raqobat muhitini yaxshi bilishiga ishonch bildirdi.

“Al-Hilol” menga yaqin klublardan biri. Ularni ancha vaqtdan beri hurmat bilan kuzatib kelaman. Ayniqsa, jamoa tarkibida men “Latsio”da ishlagan paytimdagi shogirdim — Sergey Milinkovich-Savich bor. U bilan yana bir jamoada birlashganim men uchun quvonarli holat,” — deya qo‘shimcha qildi murabbiy.

Simone Inzagining “Al-Hilol”dagi faoliyati nafaqat Saudiya futboli, balki butun mintaqadagi klublar murabbiylik darajasini yangi bosqichga olib chiqishi kutilmoqda. Uning xalqaro tajribasi, strategik qarashlari va talabchanligi “Al-Hilol”ni yangi muvaffaqiyatlar sari boshlashi mumkin.

Futbol olami esa Inzagining debyutini, ayniqsa “Real Madrid”ga qarshi bo‘ladigan ilk rasmiy o‘yinini sabrsizlik bilan kutmoqda. “Zamin”ni Telegramʻda oʻqing!