"Roma" futbol klubi matbuot xizmati orqali yangi sport direktori tayinlanganini e’lon qildi. Bu lavozimga Frederiko Massara keldi. Massara klubda 2024 yil may oyidan buyon faoliyat olib borgan Floran Gisolfining o‘rnini egalladi.
Frederiko Massara uchun "Roma" yot joy emas. U avval ham uzoq yillar – 2011 yildan 2019 yilga qadar aynan shu klubning sport direktori sifatida ish olib borgan. Shu davr mobaynida u klubning rivojiga katta hissa qo‘shgan va muxlislar orasida katta hurmatga sazovor bo‘lgan.
2019 yildan so‘ng, Massara o‘z faoliyatini Italiyaning boshqa bir grand klubi – "Milan"da davom ettirgan edi. "Milan"da ham u muvaffaqiyatli ish olib borib, jamoaning mustahkamlanishiga hissa qo‘shdi. Keyinchalik, 2023 yilda u Fransiyaning "Renn" klubiga o‘tib, bu yerda ham yuqori professionallik ko‘rsatdi.
Massaraning "Roma"ga qaytadan qaytishi klub muxlislari tomonidan katta quvonch bilan kutib olindi. Uning tajribasi va klub haqidagi yaxshi bilimi jamoaning yanada yuqori natijalarga erishishiga yordam berishiga umid qilinmoqda.
Eslatib o‘tamiz, Massaraning asosiy vazifalari futbolchilar transferi va yosh iqtidorlarni jalb qilish orqali klubning uzoq muddatli taraqqiyotini ta’minlashdan iborat bo‘ladi. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
