Lotar Matteus: "Manchester Siti" uchun eng yaxshi variant — ter Shtegen!

Germaniya milliy terma jamoasining afsonaviy sobiq futbolchisi Lotar Matteus Yevropaning yetakchi klublaridan biri — “Manchester Siti”ga qiziqarli taklif berdi. Mutasaddi fikricha, “Barselona”ning tajribali darvozaboni Mark-Andre ter Shtegen Angliya grandining asosiy maqsadlaridan biri bo‘lishi kerak.

Matteusning so‘zlariga ko‘ra, “Siti” bugungi kunda asosiy posboni Edersonga to‘liq ishonch bildirmayapti. “Men aniq bilmayman, ular nimalarni rejalashtirgan. Biroq shaxsan mening fikrimcha, Ederson bu klub uchun 100 foiz ideal variant emas. Agar “Manchester Siti” yana-da mustahkam, kuchli va ishonchli darvozabonga ehtiyoj sezsa, ter Shtegenni eʼtibor markaziga olishi shart,” — dedi Matteus jurnalistlarga.

Tajribali futbol tahlilchisi, shuningdek, ter Shtegen hozirgi darajasida yana kamida 3-4 yil yuqori saviyada o‘ynay oladigan posbon ekanligini taʼkidladi. “Ter Shtegen nafaqat Germaniyada, balki butun Yevropada o‘zining mustahkam o‘yini va professional darajasi bilan taniqli. Uning “Barselona”dagi sobitligi va og‘ir o‘yinlarda o‘zini yo‘qotmasligi uning to‘g‘ri tanlov bo‘lishini yana-da aniqlashtiradi”, — deydi Matteus.

Aslida, so‘nggi mavsumlarda ter Shtegenning o‘yini futbol jamoatchiligi va mutaxassislar tomonidan yuqori baholangan. Uning reaksiyasi, pozitsiya tanlashi va to‘p qaytarish mahorati dunyoda eng yaxshi darvozabonlar qatorida turadi.

Yangi mavsum arafasida “Manchester Siti” o‘z safini yana-da kuchaytirish haqida bosh qotirayotgan bir paytda, Matteus tomonidan bildirilgan bunday taklif aynan shu klub muxlislari uchun qiziqarli va umidli yangilik bo‘lishi mumkin.

Shu o‘rinda taʼkidlash lozim, “Siti”ning bosh murabbiyi Xosep Gvardiola ham yangi qon va yangi energiyaga ehtiyoj sezishi mumkin. Ter Shtegen esa bu borada ideal nomzod sifatida ko‘rilmoqda.

Futbol olamidagi bu kabi kutilmagan transfer masalalari har doim qizg‘in muhokama markazida bo‘lib kelgan. Hozircha “Manchester Siti” yoki “Barselona” rasmiy bayonot bermadi. Ammo Lotar Matteusning bayonoti ortidan, klub rahbariyati bu taklif haqida jiddiy o‘ylab ko‘radi, deb taxmin qilish mumkin.

Balki, kelasi mavsumda Premyer-Liganing eng yirik transferlaridan biri aynan Myunxen afsonasi ko‘rsatgan yo‘ldan yuz berar? Vaqt ko‘rsatadi! “Zamin”ni Telegramʻda oʻqing!