Klublar o‘rtasidagi jahon chempionatining 1/8 final bosqichi ortidan katta qiziqish uyg‘otgan uchrashuvlardan biri – PSJ hamda "Inter Mayami" o‘rtasidagi bellashuv oldidan futbolchilar fikr bildirishda davom etmoqda. Parij klubi a’zosi Dezire Due ushbu to‘qnashuv haqida katta hurmat va ehtiyotkorlik bilan gapirdi.
Fransiya grandi safidagi yosh va istiqbolli yarim himoyachi raqib haqida shunday fikr bildirdi:
– "Inter Mayami" juda yuqori sifatga ega va muvozanatli jamoa. Ular safida taniqli futbolchilar – katta tajriba va chempionatlar ko‘rgan yulduzlar jamlangan. Bu jamoa har qanday raqibga jiddiy muammo tug‘dira oladi.
Uning ta’kidlashicha, pley-off o‘yinlari har doim keskin va har bir xatoga jazo muqarrar:
– Bu sinov bosqichi. Bir og‘riqli xato natijani hal qilib qo‘yishi mumkin. Shuning uchun biz birinchi daqiqadanoq maksimal diqqat va kuch bilan harakat qilishimiz kerak. Raqibni hurmat qilgan holda, o‘z uslubimizda, mavsum davomida ko‘rsatib kelayotgan futbolimizni namoyish etish – asosiy maqsadimiz.
Dezire Due, ayniqsa, Messi, Alba, Buskets kabi futbolchilarning o‘yin tajribasini yuqori baholadi va ularga qarshi o‘ynash katta mas’uliyat ekanini qayd etdi.
Shu bilan birga, u PSJ jamoasi g‘alabaga bo‘lgan ishonchini ham yashirmadi:
– Biz oldinga qadam tashlashni xohlaymiz. Bu musobaqa – faqat eng zo‘rlar uchun. Va biz o‘sha zo‘rlardan biri ekanimizni isbotlashni istaymiz.
Bugungi to‘qnashuv futbol olamidagi millionlab muxlislar diqqat markazida bo‘ladi. Messiga qarshi sobiq jamoasi PSJ, qit’alar o‘rtasidagi chempionatning 1/8 final bosqichi – bu futbolning yuqori darajasidagi go‘zal dramasidir. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
