PSJ va “Inter Mayami” jamoalari o‘rtasidagi 1/8 final to‘qnashuvida hamma e’tibor Lionel Messida bo‘ldi. Parijliklar amerikalik raqibini yirik 4:0 hisobida mag‘lub etganidan so‘ng, Zlatan Ibragimovichning bayonoti futbol dunyosida katta muhokamalarga sabab bo‘ldi. Uning so‘zlariga ko‘ra, argentinalik yulduzning jamoadoshlari real futbolchilar emas, balki "tanaga sement to‘ldirilgan haykallarga o‘xshaydi".
– Messi yutqazmadi, “Inter Mayami” mag‘lub bo‘ldi! U futbolchilar bilan emas, haykallar bilan o‘ynayapti. Ular orqalarida sement xalta ko‘targandek harakat qilishadi, – dedi Ibragimovich keskin bayonotida.
Zlatanning ta’kidlashicha, Messi aynan professional va yuqori saviyadagi jamoada to‘p surganda, uning haqiqiy salohiyati yanada yaxshiroq ko‘zga tashlangan bo‘lardi. Uning fikricha, “Inter Mayami”da na murabbiy, na to‘psiz yugura oladigan futbolchilar bor. Shuning uchun ham Messi bu jamoada to‘liq ochila olmayapti.
– Leo hali ham futbolni yaxshi ko‘radi va shu bois to‘p suryapti. U hozir ham jahon futbolchilari orasida 99 foiz futbolchi qila olmaydigan harakatlarni amalga oshira oladi. Agar uni haqiqiy jamoaga qo‘ysangiz, u maydonni to‘liq nazorat ostiga oladi, – dedi Zlatan.
Ibragimovichning bu chiqishi “Inter Mayami”dagi vaziyat haqida muhim masalalarni ko‘tarib chiqdi. Uning so‘zlari nafaqat jamoa murabbiylari, balki MLSdagi futbol muhitiga ham salbiy ishoralar sifatida baholandi.
Zlatanning tanqidi ortidan, Messi atrofida yangi muhokamalar boshlandi. Ba’zi muxlislar uni himoya qilsa, boshqalar uning haqiqatan noto‘g‘ri jamoada ekanini tasdiqlamoqda. Shu aniqki, Zlatan yana bir bor "tugal to‘g‘ri, to‘g‘ri tugal" degan maqolni amalda isbotladi. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
