Xitoy futbolida kutilmagan mojaro va tartibbuzarlik katta muhokamalarga sabab bo‘ldi. Professional liga mutasaddilari "Chanchun Sidu" klubini intizomiy qoidabuzarlik uchun 30 000 yuan (taqriban 4 100 dollar) miqdorida jarimaga tortdi, deb xabar berdi tashkilotning matbuot xizmati.
Hodisa 28 iyun kuni bo‘lib o‘tgan "Chanchun Sidu" — "Shansi Chunde Junxay" uchrashuvi arafasida yuz berdi. Rasmiy ma’lumotlarga ko‘ra, "Chanchun Sidu" xodimlari mehmon jamoaning kiyinish xonasiga feodal davrga oid turli xurofotli buyumlar va sariq qog‘ozda "Shansi Chunde Junxay" jamoasiga mag‘lubiyat bitilgan" deb yozilgan yozuvlar joylashtirgan. Mehmonlar futbolchilari bu holatni o‘yin oldidan sezib qolgan va jamoa rahbariyati shoshilinch ravishda bu haqda ligaga murojaat qilgan.
Futbol ligasi ushbu tartibbuzarlikni jiddiy qabul qildi va "Chanchun Sidu"ga qat’iy ogohlantirish bilan birga moliyaviy jazo tayinladi. Rasmiy bayonotda ta’kidlanishicha, sportda xurofot va psixologik bosimga yo‘l qo‘yib bo‘lmaydi, har bir jamoa maydonda faqat haqiqiy mahorat va ruhiy bardosh bilan kurashishi lozim.
Aytish joiz, aynan ushbu bahsda "Chanchun Sidu" o‘z maydonida raqibni 2:0 hisobida mag‘lub etgan. Lekin futbol olamida ushbu voqea natijadan ko‘ra ko‘proq muhokamaga aylandi — jamoalar orasida sport etikasi va madaniyati masalalari yana kun tartibiga chiqdi.
Ekspertlar va muxlislar bu kabi holatlar futbol rivojiga salbiy ta’sir ko‘rsatishi mumkinligini ta’kidlamoqda. Liga rahbariyati esa bundan keyin ham barcha jamoalardan qoidalarga amal qilish va sport prinsiplariga sodiq bo‘lishni talab qiladi.
Shu tariqa, "Chanchun Sidu" janjalli voqea orqali futbolda o‘yindan tashqari faoliyat ham javobgarlik talab etishini eslatdi. Yangi mavsumda esa futbolchilar va klublar sport etikasiga yanada jiddiy yondashishi kutilmoqda. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
