Qozog‘istonning Olmota shahrida bo‘lib o‘tgan o‘smirlar o‘rtasidagi dzyudo bo‘yicha Osiyo Kubogi yuqori saviyada yakunlandi — bu haqda O‘zbekiston dzyudo federatsiyasi matbuot xizmati xabar berdi.
Ikki kun davom etgan mazkur musobaqada 3 qit’aning 9 davlati namoyandalari bo‘lgan 500 nafarga yaqin yosh dzyudochi ishtirok etdi. Ular 8 ta qizlar va 8 ta o‘smirlar vazn toifasida 16 ta medallar jamlanmasi uchun kuch sinashdi.
O‘zbekiston o‘smirlar terma jamoasi ushbu yirik musobaqada absolyut ustunlikni qo‘lga kiritdi. Yosh polvonlarimiz 8 ta oltin, 10 ta kumush va 11 ta bronza medalini qo‘lga kiritib, umumjamoa hisobida faxrli birinchi o‘rinni egallashdi. Bu natija terma jamoa sardorlari va murabbiylari mehnati, yosh sportchilarning intilishi va yuksak tayyorgarligidan dalolat beradi.
Qozog‘iston mezbon sifatida 5 ta oltin, 4 ta kumush va 12 ta bronza medali bilan ikkinchi o‘rinni qo‘lga kiritdi. Musobaqaning kuchli uchligini esa mo‘g‘ulistonlik yosh dzyudochilar 2 ta oltin medali bilan yakunlashdi.
Bu kabi xalqaro musobaqalarda yuqori natija qayd etish O‘zbekiston yosh dzyudochilari uchun katta motivatsiya va kelajakda yangi muvaffaqiyatlarga zamin yaratadi. Terma jamoamiz a’zolari va murabbiylarini ushbu zafarli yutuqlari bilan tabriklaymiz.
Kelgusida ham yosh sportchilarimiz xalqaro maydonda yurtimiz sharafini munosib himoya qilishda davom etishi kutilmoqda. Zamin.uz sayti musobaqa natijalari va sport hayotidagi muhim voqealarni o‘z vaqtida yoritib boradi. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
