“Manchester Siti” klubi yozgi transferlar bozorida tajribali futbolchilar bilan xayrlashish siyosatini qat’iy davom ettirmoqda. Bu galgi yangilikda 35 yoshli himoyachi Kayl Uoker bilan rasman xayrlashildi va uning “Byornli”ga o‘tishi e’lon qilindi. Klub bayonotida “Siti” jamoasi va rahbariyati Kaylga yangi faoliyat bosqichida muvaffaqiyat va omad tilagani qayd etildi.
Ta’kidlash joizki, manbalarga ko‘ra, agar Uoker kelasi mavsumda “Byornli” tarkibidagi o‘yinlarning kamida 70 foizida qatnashsa va yangi jamoasi yuqori divizionda qolsa, uning transfer summasi 5 million funtgacha yetishi mumkin. Bu kelishuv klublar o‘rtasidagi yangi shartnomada aks etgan.
Ma’lumot uchun, Kayl Uoker “Manchester Siti” safiga Xosep Gvardiola davrida, 2017 yilda kelgan va shu paytgacha bir qator muhim g‘alabalar hamda sovrinlarga ega chiqqan. Aslida, u klub bilan 2026 yil yozigacha shartnoma tuzgan edi, ammo yangi chorlovga intilgani tufayli “Siti” bilan xayrlashishga qaror qildi.
O‘tgan mavsumning ikkinchi yarmini tajribali himoyachi Italiyaning “Milan” jamoasida ijara asosida o‘tkazdi. Ammo italiyaliklar uni to‘liq sotib olishdan bosh tortdilar va Uoker uchun yangi imkoniyat eshigi ochildi.
Muttaxassislar fikricha, “Byornli”ning bu transferi jamoaga kuchli liderlik va himoyada barqarorlik olib kirishi mumkin. Kayl Uoker esa APLdagi katta tajribasi bilan yangi jamoasini yuqori natijalarga yetaklashga harakat qiladi.
Zamin.uz futbol yangiliklari va transferlar bozoridagi eng muhim voqealarni o‘z vaqtida yoritishda davom etadi. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing
Mavzuga oid yangiliklar
