Yevropa futbol olamida katta transfer intrigasi: Madridning “Real” jamoasi rahbariyati asosiy tarkibdan muntazam o‘rin ololmayotgan Rodrigo Goesni sotishga qaror qilganidan so‘ng, uning atrofida jahon futbolidagi eng nufuzli klublar jadal harakatga kirishdi, deb yozadi ESPN. Parijning “PSJ” klubi esa, bu jarayonda yetakchi pozitsiyani egallash niyatida.
Manbaga ko‘ra, “PSJ” rahbariyati 24 yoshli braziliyalik vingerning transferi yuzasidan unga to‘g‘ridan to‘g‘ri murojaat qilgan va muzokaralar uchun birinchi qadamlarni tashlagan. Bu harakatning ortida “Real”ning so‘nggi mavsumda Parij klubining eng yaxshi to‘purari Kilian Mbappeni Madridga olib kelgani bilan bog‘liq psixologik faktor ham borligi ta’kidlanmoqda. Parijliklar Mbappe uchun yo‘qotilgan o‘rinni aynan Rodrigo bilan to‘ldirishni ko‘zlayapti.
Ma’lumotlarga ko‘ra, hozirda Rodrigoga nafaqat PSJ, balki Yevropaning boshqa yetakchi jamoalari, shuningdek, Saudiya Arabistonining qudratli klublari ham jiddiy qiziqish bildiryapti. “Real” rahbariyati universal hujumchini 90 million yevro evaziga sotishga tayyor ekanini ma’lum qilgan. Bu summa bozorda katta raqobatni va transfer atrofidagi intrigalarni yanada kuchaytirishi mumkin.
Futbol ekspertlari fikricha, Rodrigo kabi yosh va universal o‘yinchi uchun Parij klubi eng mantiqiy manzillardan biri sanaladi. PSJda unga asosiy tarkibda doimiy o‘rin va yangi ambitsiyali loyihalarda ishtirok etish imkoniyati yaratilishi kutilmoqda. Ayni paytda, Saudiya klublarining moliyaviy takliflari ham ajralib turibdi.
Transfer bo‘yicha yakuniy qaror va muzokaralar natijasi Yevropa futbol bozoridagi eng kutilgan yangiliklardan biriga aylanishi aniq. Muxlislar esa, Rodrigoning kelajakda qaysi klubda to‘p surishini katta qiziqish bilan kuzatmoqda.
Zamin.uz esa, transfer bozoridagi barcha muhim va ishonchli yangiliklarni tezkor ravishda yetkazishda davom etadi. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
