Finalga chiqqan "Chelsi" klubi qancha pul ishlab oldi?

Londonning “Chelsi” klubi klublar o‘rtasidagi jahon chempionatining yarim finalida “Fluminense” ustidan 2:0 hisobida g‘alaba qozonib, finalga yo‘l oldi. Jamoa nafaqat sport maydonida, balki moliyaviy jihatdan ham yirik muvaffaqiyat sari ildam qadam tashlamoqda.

Ma’lumotlarga ko‘ra, “Chelsi” bugungacha musobaqa doirasida 110 million dollar ishlab topgan. Amerikalik sport jurnalisti Ben Jeykobsning ta’kidlashicha, agar klub finalda g‘alaba qozonsa, umumiy daromad 120 million dollarga yetshi mumkin. Bu natija klub tarixidagi eng katta moliyaviy yutuqlardan biri sifatida qayd etiladi.

“Chelsi”ning finaldagi raqibi esa bugun aniq bo‘ladi: yarim finalning ikkinchi uchrashuvida PSJ va “Real” maydonga chiqadi. Muxlislar katta qiziqish bilan qaysi jamoa London klubiga qarshi finalda to‘qnashishini kutmoqda.

Moliyaviy tahlilchilar va sport ekspertlari “Chelsi”ning mazkur chempionatdagi daromadini e’tiborli deb baholashmoqda. Klubning yosh va iqtidorli tarkibi, bosh murabbiy Enso Mareskaning aqlli taktik qarorlari jamoani nafaqat finalga, balki katta mablag‘larga ham olib keldi.

Zamin.uz esa, chempionat finali arafasidagi eng so‘nggi yangiliklar, klublarning moliyaviy holati va futbol yulduzlari haqida o‘z o‘quvchilariga tezkor va ishonchli ma’lumotlar yetkazishda davom etadi. “Zamin”ni Telegramʻda oʻqing!