Klublar o‘rtasidagi jahon chempionati finalida “Chelsi” jamoasi Parijning PSJ klubini 3:0 hisobida mag‘lub etdi. Ushbu o‘yinning eng yorqin yulduzi esa Koul Palmer bo‘ldi. Yosh angliyalik yarim himoyachi finalda 2 ta gol va 1 ta assist bilan g‘alabaning bosh me’morlaridan biriga aylandi.
O‘yindan so‘ng Palmer o‘z ehtiros va taassurotlari bilan o‘rtoqlashdi:
— “Juda ajoyib his-tuyg‘u! Bu g‘alaba yanada shirin, chunki o‘yin oldidan ko‘pchilik bizga ishonmagandi. Biz esa jonkuyarlik bilan harakat qildik va o‘z so‘zimizni aytdik. Finalda qatnashish va unda g‘alaba qozonish — men uchun orzu edi.”
U, shuningdek, “Chelsi”ning bosh murabbiyi Enso Mareskani alohida ta’rifladi:
— “U ajoyib reja tuzdi, raqib maydonidagi bo‘shliqlarni qayerdan izlash kerakligini aniq ko‘rsatdi. Men esa uning ishonchini oqlashga harakat qildim. Bu jamoa hali yosh, ammo Mareska boshchiligida biz olg‘a qarab bormoqdamiz.”
Palmerning ta’kidlashicha, “Chelsi” haqida butun mavsum davomida salbiy gaplar va mish-mishlar ko‘p bo‘lgan, ammo bu jamoa so‘z bilan emas, amalda javob qaytarishni ma’qul ko‘radi.
Siz nima deb o‘ylaysiz: Koul Palmer Yevropa futbolidagi yangi super yulduzga aylanish arafasida emasmi? “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
