“Chelsi” APLda g‘olib bo‘ladi – Verining kutilmagan bashorati

Veri “Chelsi” haqida qat’iy gapirdi – g‘olib kim bo‘ladi?

Yevropa futbolida nomi afsonaga aylangan italiyalik sobiq hujumchi Kristian Veri “Chelsi” klubi haqida jiddiy fikr bildirdi. Uning ta’kidlashicha, London klubi kelayotgan mavsumda Angliya Premer Ligasining asosiy g‘olibiga aylanishi mumkin. Uning bu gaplari futbol jamoatchiligi orasida katta qiziqish uyg‘otdi, deb xabar berdi La Gazzetta dello Sport.

“So‘nggi oylarda jamoa doimiy ravishda g‘alaba qozonayotganini kuzatdim. Bu futbolchilarning o‘ziga bo‘lgan ishonchini juda kuchaytirdi. PSJ bilan bo‘lgan finalda ularning ustun kelishi ham bejiz emas. Men avval PSJ katta kuchga ega, deb o‘ylagan edim. Lekin maydonda barchasi o‘zgardi”, – dedi Veri.

Uning so‘zlariga ko‘ra, Enso Mareska nafaqat kuchli murabbiy, balki jiddiy taktik va psixologik tayyorgarlikka ega yetakchi. Bu yo‘lda u bir necha yillar davomida Pep Gvardiola bilan ishlagan va bu albatta, uning uslubida sezilib turibdi.

“Mareska faqat yuqori pressing orqali natija qilayotgani yo‘q. U jamoani to‘p bilan harakat qilishga, vaziyatlarni oqilona tashkil etishga va intizomga o‘rgatgan. “Chelsi” hozir nafaqat jismonan, balki ruhan ham kuchli jamoaga aylangan”, – deb qo‘shimcha qildi Veri.

Uning fikricha, kelasi mavsumda “Chelsi” nafaqat Angliya chempionligi uchun, balki Yevropa chempionlar ligasi bosh sovrini uchun ham jiddiy kurashchiga aylanadi.

Bunday fikrlar albatta, muxlislar va ekspertlar o‘rtasida tortishuvlarga sabab bo‘ladi. Ammo bir narsa aniq – “Chelsi” Mareska qo‘lida jiddiy kuchga aylanmoqda va uni endi hech kim inkor etolmaydi.

Muxlislar esa endi yozgi transferlar va yangi mavsumni intizorlik bilan kutmoqda. Ular uchun esa eng qiziqarlisi – Verining bashorati qanchalik rost chiqadi? “Zamin”ni Telegramʻda oʻqing!