"Paxtakor" klubi o‘z tarkibini yangi nom bilan to‘ldirdi – Iroq milliy terma jamoasi himoyachisi Zaid Tahsin poytaxt jamoasi a’zosiga aylandi. Bu haqda jamoa matbuot xizmati orqali ma’lum qilindi,.
Ma’lum qilinishicha, 24 yoshli futbolchi bilan 1,5 yillik shartnoma imzolangan. U Toshkent jamoasiga Iroqning “Al Quva Al Javiya” klubidan erkin agent sifatida kelib qo‘shilgan. Ta’kidlanishicha, Zaid Tahsin Iroq terma jamoasi safida Jahon chempionati saralash bosqichi uchrashuvlarida ishtirok etgan va tajribali futbolchi sifatida tanilgan.
Shuningdek, u mamlakat terma jamoasi bilan Arab Ko‘rfazi Kubogida qatnashib, g‘alaba quchgan futbolchilardan biri hisoblanadi. Bu muvaffaqiyat uning faoliyatidagi muhim marralardan biri bo‘ldi.
"Paxtakor" jamoasi rahbariyati yangi transferdan katta umid qilishini yashirmadi. Himoya chizig‘idagi raqobatni kuchaytirish va jamoaning xalqaro maydondagi o‘yinlariga tajriba olib kirish Zaid oldiga qo‘yilgan asosiy vazifalardan bo‘ladi.
Jamoa muxlislari esa bu transferni ijobiy baholashmoqda. Aniqrog‘i, Iroq termasi a’zosining kelishi jamoadagi o‘yin sifatiga ijobiy ta’sir ko‘rsatishi kutilmoqda.
Eslatib o‘tamiz, "Paxtakor" yangi mavsum oldidan bir qator yangi futbolchilarni jamoaga jalb etish ustida ish olib bormoqda. Zaid Tahsin transferi esa bu yo‘nalishdagi eng e’tiborli qadamlardan biri bo‘lib turibdi. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
