BAAning Abu-Dabi shahrida o‘smirlar va yoshlar o‘rtasida MMA bo‘yicha Jahon chempionati qizg‘in tarzda davom etmoqda. O‘zbekiston MMA assotsiatsiyasi raisi o‘rinbosari Muzaffar Radjabov boshchiligidagi 70 nafardan iborat yurtdoshlarimiz delegatsiyasi ushbu nufuzli musobaqada faol ishtirok etmoqda.
Kecha yana ikki nafar yosh sportchimiz muvaffaqiyatga erishdi va mamlakatimiz sharafini yana bir bor baland ko‘tardi. Abubakr Mirzaxo‘jayev oltin medalga sazovor bo‘ldi. Diyorjon Ahmadjonov esa bronza medalini qo‘lga kiritdi. Ushbu yutuqlar butun jamoamiz va sport ixlosmandlarini quvontirdi.
Ma’lumot uchun, ushbu jahon chempionatida 53 ta davlatdan 900 dan ortiq sportchi ishtirok etmoqda. Eng yirik delegatsiyalardan biri — Ukraina (118 nafar), O‘zbekiston (70 nafar), Tojikiston (47 nafar), Qozog‘iston (33 nafar).
O‘zbekistonlik yoshlar xalqaro maydonda o‘z salohiyati va tayyorgarligini namoyon qilmoqda. Musobaqa davomida yoshlarimizning yangi yutuqlari va muvaffaqiyatli ishtiroklari kutilmoqda. Jamoa a’zolari o‘z ishtiyoqi va ruhiy bardavomligi bilan yosh avlodga namuna bo‘layotgani ta’kidlanmoqda.
Musobaqa natijalari haqida yaqin kunlarda yana yangi xabarlar kutilyapti. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
