Braziliyalik mashhur sobiq futbolchi Rivaldo Lamin Yamalning oxirgi paytlardagi ziyofati va atrofida yuzaga kelgan mojarolar haqida o‘z fikrlarini bildirdi. Uning ta’kidlashicha, yosh iqtidor egasi media maydonidagi shov-shuv va tortishuvlardan uzoq bo‘lishi lozim.
Rivaldo Yamal haqida gapirar ekan, “Lamin aqlli va puxta fikrlaydigan yigit. U kelajakda turli mojarolar va o‘z faoliyatiga salbiy ta’sir ko‘rsatishi mumkin bo‘lgan har qanday vaziyatga yana bir bor jiddiy yondashishi kerak. Har bir qadamni puxta o‘ylab, natijalar haqida o‘ylash zarur,” — deya ta’kidladi.
Uning so‘zlariga ko‘ra, Yamal aql bilan ish tutadi va bugungi zamonning barcha talablarini yaxshi anglaydi. U doim ommaning diqqat markazida va har bir xatti-harakatidan xabardor bo‘lish kerak. “Biz uning chiroyli o‘yini va maydondagi yuksak mahorati haqida gapirishni istaymiz. Barcha muxlislar uning yanada porlashini, muvaffaqiyatlar sari intilishini va yomon ovozalardan olis yurishini tilaydi”, — dedi Rivaldo.
Ma’lumot uchun, “Barselona” bosh murabbiyi Xans-Diter Flik jamoa futbolchilariga bir nechta yangi cheklovlar qo‘ydi. Bu qaror, aynan Yamalning tug‘ilgan kuni munosabati bilan uyushtirilgan ziyofat va uning atrofida paydo bo‘lgan mojarolar sabab qabul qilingani aytilmoqda.
Muxlislar esa, Lamin Yamal o‘z karyerasida qanday yo‘nalish tanlashini, kelajakda qanday muvaffaqiyatlarga erishishini katta qiziqish bilan kuzatishmoqda.
