Osiyo futbolida yana bir yorqin yangilik — Eronning mashhur “Persepolis” klubi o‘z tarixidagi eng shov-shuvli transferlardan birini amalga oshirdi. Rasmiy ma’lumotlarga ko‘ra, himoya chizig‘ida katta tajribaga ega bo‘lgan Serj Ore bilan ikki yillik shartnoma imzolandi. Bu haqda klub matbuot xizmati xabar berdi.
32 yoshli afrikalik himoyachi faoliyati davomida dunyo futbolida o‘z o‘rniga ega top klublarda to‘p surdi. Uning futbol yo‘lida Parijning PSJ, Angliyaning “Tottenxem”, shuningdek “Galatasaroy”, “Lans”, “Tuluza”, “Vilyarreal” va “Nottingem Forest” kabi jamoalardagi tajribasi alohida e’tirofga loyiq. Ore xalqaro arenalardagi yuqori darajadagi o‘yinlari bilan ham futbol muxlislariga yaxshi tanish.
Ma’lumot uchun, “Persepolis” klubi safida O‘zbekiston milliy terma jamoasi vakili, hujumkor vinger Oston O‘runov ham to‘p surmoqda. Uning jamoadagi faoliyati va yangi transfer bilan klubning salohiyati yanada ortgani e’tirof etilmoqda.
Serj Orening kelishi “Persepolis”ning himoya chizig‘iga mustahkamlik, tajriba va xalqaro darajadagi ishonchni olib keladi. Yangi mavsum arafasidagi ushbu kuchli transfer jamoa oldiga qo‘yilgan katta maqsadlarni amalga oshirishga xizmat qilishi mumkin.
Hozirda klub ishqibozlari va Osiyo futboli ekspertlari ushbu transferning natijalari va Orening yangi jamoada qanday o‘yin ko‘rsatishini katta qiziqish bilan kutmoqda. “Persepolis”da yangi bosqich boshlandi — yangi yulduzlar va ambitsiyali maqsadlar uchun yangi yo‘l ochildi.
