Angliya chempionatining 15-turidan o‘rin olgan “Lester” – “Manchester Siti” uchrashuvi o‘z nihoyasiga etdi.
Unda 4:2 hisobi qayd etilib, “tulkilar“ning g‘alabasi bilan yakunlandi.
“Lester“ birinchi bo‘limning dastlabki 20 daqiqasidayoq “Siti”ni “nokaut“ holatiga jo‘natdi.
Dastavval, 3-daqiqada Jeymi Vardi hisobni ochdi. Oradan 2 daqiqa o‘tar-o‘tmas King jarima maydonchasi tashqarisidan ajoyib zarba yo‘llab, Bravoni ikkinchi bor ranjitdi.
15-daqiqa o‘tib, Jeymi Vardi chililik darvoza bilan yakkama-yakka vaziyatda, uni chiroyli aldab o‘tib, to‘pni bo‘sh qolgan darvoza to‘riga qiyinchiliksiz joylab qo‘ydi – 3:0. Tanaffusga qadar aynan shu hisob saqlanib qoldi.
Tanaffusdan so‘ng 78-daqiqaga kelib yana angliyalik hujumchi Vardi o‘zining uchinchi golini kiritib, xet-trik qayd etdi. Bunga oradan to‘rt daqiqa o‘tib Kolarov javob qaytardi – 4:1.
Zahiradan maydonga tushgan Nolito esa Gvardiola jamoasini yirik hisobdagi mag‘lubiyatdan qutqarib qoldi.
Shu tariqa, “Lester” o‘z maydonida “Manchester Siti”ni ishonchli tarzda taslim etdi.
Angliya chempionati
15-tur
Lester – Manchester Siti 4:2 (3:0, 1:2)
Gollar: 1:0 – 3 Vardi, 2:0 – 5 King, 3:0 – 20 Vardi, 4:0 – 78 Vardi, 4:1 – 82 Kolarov, 4:2 – 90 Nolito.
Lester – Siler, Morgan, Fuks, Simpson, Xut, King, Amarti, Olbrayton, Marez, Vardi (Grey, 88), Slimani (Okadzaki, 78).
Manchester Siti – Bravo, Stounz, Sanya, Sabaleta, Kolarov, de Bryuyne, Fernando, Gyundogan (Nolito, 68), Navas (Sterling, 58), Silva, Ixeanacho (Ture, 58).
Ogohlantirishlar: Simpson (19), Marez (57), Fernando (67). “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Lukashenko G‘arbga tahdid bilan chiqdi
Qaysi kundalik odatlar immunitet pasayishiga olib kelishini bilasizmi?
Toshkentda 02 kodli avtoraqamlar taxminan qachon paydo bo‘lishi aytildi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Ortiqcha vaznli insonlar uchun sog‘lom ovqatlanishning beshta muhim qoidasi
Sariqmi yoki yashil: qaysi turdagi banan foydaliroq?
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi