9 371
Islom To‘xtaxo‘jaev: Qur’a bizga o‘tgan yilgidan ko‘ra biroz osonroq raqiblarni taqdim etdi
Xabaringiz bor, bugun Malayziya poytaxti Kuala-Lumpur shahrida qit’amizdagi klublar miqyosidagi eng nufuzli musobaqa sanaladigan Osiyo Chempionlar Ligasi 2017 mavsumi uchun qur’a tashlash marosimi bo‘lib o‘tdi.
Qur’a natijalariga ko‘ra, mamlakatimizning amaldagi chempioni – Toshkentning “Lokomotiv” klubi musobaqadaning “A” guruhidan o‘rin oldi va "Al Ahli" (BAA), "Al Tavun" (S. Arabistoni) hamda Pley-off 3 g‘olibiga qarshi bahs olib borishi oydinlashdi.
“Temiryo‘lchilar” jamoasi a’zosi Islom To‘xtaxo‘jaev klub matbuot xizmatiga qur’a borasidagi fikrlarini bildirib o‘tdi.
- Bu safargi qur’a bizga o‘tgan yilgidan ko‘ra biroz osonroq raqiblarni taqdim etdi, desam xato bo‘lmasa kerak. Zero 2016 yilgi o‘rin olgan guruhimizda nomdor raqiblar soni ko‘proq edi. Ammo Chempionlar Ligasi guruh bosqichida kuchsiz raqibning o‘zi bo‘lmaydi. Shu boisdan bu gal ham har bir raqib bilan bo‘ladigan o‘yinga jiddiy hozirlik ko‘rishimiz talab etiladi. Guruhda qaysidir jamoani yaqqol favorit va qaysinidir autsayder deya olmayman.
Barchasi mavsum start olgach jamoalarning qay darajada tayyor ekaniga bog‘liq bo‘ladi.
Ortda qolgan mavsumda OChLda yomon qatnashmadik. Biroq musobaqada zafar quchmas ekansan, ishtirokni yaxshi deya baholay olmaysan kishi. Shu sababli bu safar endi qit’amizning nufuzli turnirida g‘alaba qozonishga urinamiz.
Shu o‘rinda, Chempionlar Ligasida yurtimiz sharafini himoya qiladigan “Nasaf” va “Bunyodkor” jamoalariga ham omad tilayman va umid qilamanki, ular ham guruh bosqichiga yo‘llanmani qo‘lga kiritishadi, - deydi tajribali himoyachi.
Manba: www.lokomotiv.uz “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi